ایس دا حصہ: احسن القصص (قصہ یوسف زلیخا) · ۳۵ وچوں ۱۶۷ · کروانی تے یوسف› ۳۴پوری لکھت وچ پڑھو۳۶ ‹قصہیوسف دا ماں دی قبر تے پہنچناغلام رسول عالمپوری · ۱۸۴۹ – ۱۸۹۲لفظاں دے معنیا−ا+نقل کروچھاپوسانجھا کروبند ۱قبر یوسف دی مادر سندی، راہ وچ ظاہر آئی ۔اچھلیا دل رویا یوسف، دیکھ میرا دکھ مائی ۔ویکھدیوں جے درد میرے نوں، جھلّ ن سکدی غم نوں ۔دل پتھر پھٹ پرزے ہووے، میرے دیکھ علم نوں ۔واہ دردا میں چھوڑ سدھانا، توڑ اجزاء قبر دے ۔ایہہ گلّ بول شطر تھیں جھڑیا، قدماں وچ قبر دے ۔دیکھ مصیبت جو کجھ گزری، میں چلیا کنانوں ۔اج وداع ہن خبر ن اگے، کی سر پوے جہانوں ۔وائے دریغ میرے فرزندا، قبروں پیا پکارا ۔واہ دردا اس تیرے دردوں، میرا جگر دو پارا ۔ایہہ آوازا سن کے یوسف، غش کھا جھڑیا تازہ ۔پھیر قبر تھیں دوجی واری، پیا بلند آوازا ۔نور اکھیں دل میرے دا توں، فرزندا سو واری ۔واہ لگے میں جا چھڈاواں، سن سن گریا زاری ۔حکم الٰہی موڑ ن سکدے، توں میں تے جگ سارا ۔پوے مصیبت بندے تائیں، باجھوں صبر ن چارہ ۔دن کائی ایہہ دنیاں بیٹا، اسدا گھٹّ بسیرا ۔آون جاون دکھ سکھ اس دا، چانن برق انھیرا ۔سن سن ایہہ پکاراں قبروں، یوسف سرت سمھالے ۔سیس اٹھا قبر تھیں بیٹھا، صبر کرے ہر حالے ۔کسے لفظ تے کرسر لے جاؤ یا دباؤ تے اوہدے معنی ویکھو۔معنی ویکھولفظ دے معنیحوالہ: لغت وچ ویکھواصل اندراج ویکھو ←ایہو لفظ ایس وچ وی: سمپادکی معنی، حالے جانچے نہیں گئے۔حوالہوکی سورس (پنجابی)، عوامی ملکیت والا متن: احسن ال کسسن (قصہ یوسف زلیخا)جانچمتن وکی سورس توں لیا گیا اے، جتھے ایہنوں عوامی ملکیت (پرانی لکھت) آکھیا گیا اے۔ حالے کسے چھپی کتاب نال ملایا نہیں گیا۔ایسے شاعر دا ہور کلامباراں ماہاں مالی تے بلبل غلام رسول عالمپوریچٹھی سید روشن علی دے نامسیہرفی سسی پنو