ایس دا حصہ: احسن القصص (قصہ یوسف زلیخا) · ۱۱۲ وچوں ۱۶۷ · زلیخا دا جھورا تے قیدخانے وچ ملاقات› ۱۱۱پوری لکھت وچ پڑھو۱۱۳ ‹قصہزلیخا دا جھورا تے قیدخانے وچ ملاقاتغلام رسول عالمپوری · ۱۸۴۹ – ۱۸۹۲لفظاں دے معنیا−ا+نقل کروچھاپوسانجھا کروبند ۱بندیخانے یار زلیخا، ہتھیں تور وگایا ۔غش کھا جھڑی زمیں تے جا اوہ، ہن گھر نظر ن آیا ۔جے اک وصل ن ملدا مینوں، خوش رہندی دیداروں ۔ہن دیدار ن نظریں آوے، گزری آں صبر قراروں ۔یار ہتھوں چھڈّ آپ وگتی، میں نہ-شکری بھلی ۔بے عقلی دی قہر اندھیری، سر میرے تے جھلی ۔طرفے حاکم زنداں والے، کر پیغام پہنچائے ۔میرا بندیوان پیارا، مت کوئی دہشت کھائے ۔تے خود گھر وچ ہردم روندی، صبر گیا اٹھ سارا ۔غشی پوے تے ہوش کدائیں، دم دم حالَ آوارہ ۔دائی دا دلاسہ دینادائی نے چا متّ سکھائی، ن کر ایڈ کوشالے ۔عشقَ پوے سر سختی جھلے، چاہیئے صبر سمھالے ۔عاشق نوں سو درد زلیخا، گزرے نال صبوری ۔صبر کرے سو مطلب پاوے، آس رہے دل پوری ۔عشقَ صبر وچ ویر پرانا، مڈھوں بغض لڑائی ۔عشقَ جتھے اتھے صبر وچارا، دخل ن رکھدا کائی ۔عشقَ ستمگر تیغ فولادی، صبر ثمن دی ڈالی ۔انت کداں تک اوہناں لڑائی، قہر قضیاں والی ۔کسے لفظ تے کرسر لے جاؤ یا دباؤ تے اوہدے معنی ویکھو۔معنی ویکھولفظ دے معنیحوالہ: لغت وچ ویکھواصل اندراج ویکھو ←ایہو لفظ ایس وچ وی: سمپادکی معنی، حالے جانچے نہیں گئے۔حوالہوکی سورس (پنجابی)، عوامی ملکیت والا متن: احسن ال کسسن (قصہ یوسف زلیخا)جانچمتن وکی سورس توں لیا گیا اے، جتھے ایہنوں عوامی ملکیت (پرانی لکھت) آکھیا گیا اے۔ حالے کسے چھپی کتاب نال ملایا نہیں گیا۔ایسے شاعر دا ہور کلامباراں ماہاں مالی تے بلبل غلام رسول عالمپوریچٹھی سید روشن علی دے نامسیہرفی سسی پنو