باراں ماہا
ہُن اسوج آنُسوں چلیاںایہہ رہن نہ مُولے ٹھلیاں
کئی نالے وگے رَتّ دےہُن رہی دِلے نوں مت دے
ایہہ نہیں نصیحت جاندامیں ہر دم رہاں پُکاردی
نِت نویں اسانوں پِٹّنےمیں لِکھاں دفتر کِتنے
اِک جائے دُوجا آوندااِک بالے اِک بُجھاوندا
کُجھ دُھوں نہ باہر نکلےکیا خوبی ہے ایس نار دی
مینوں سوکھا تاپ ستاونداایہہ نہوں ہڈاں نوں کھاوندا
نِت ساڑن نوں اگ لُجھدیسبھ گوشت پوست جال کے
چھڈے نہ ہڈاں نوں ساڑدیتیری واء تھیں ٹھنڈی تھینی آں
تیرا نام سُنے سُن جینی آںتیرے گاون بیٹھی گاوندی
تیرے نام توں جِیو ولااندیتدُھ باجھ پیارے سجناں
مینوں خبر نہیں سنسار دی
چڑھیا ماہ بساکھ سُہاونااساں نت تیرا غم کھاونا
میرے تن وچ رہیا نہ ست ہےایس عشق سُکائی رَت ہے
میں ساوی پِیلی پو رہیمیری دیہی زرد وسار دی
میںویندی پاس پڑوسیاںنِت پچھدی پنڈت جوشیاں
میں تِتر مور اُڈاؤندینت رو رو اَونسیاں پاوندی
سبھ مُلاں رملی ڈھونڈدیاُٹھ خواباں نِت وچاردی
نت لِکھ لِکھ کاغذ گھلدیسانوں سِک تساڈے ولدی
کدی بھیج سُنیہا سُکھ داکوئی لیاوے تیرے مُکھ دا
بِن پانی مچھلی مر چلیکدی خبر نہ لئی بیمار دی
دینہہ سکھ نہ راتیں سونیاںاُٹھ گلیاں دے وچ بھوَنیاں
لوک آکھن جھلی کملیمیں سُرت نہ کوئی سنبھلی
نِت فرد فقیر پُکارداسانوں طلب تیرے دیدار دی
اگوں بھادروں سُنیا آوندامیرا تن من جھورا کھاوندا
ایہہ چھیواں مہینہ آیاکوئی خبر پیغام نہ پایا
نِت مِل مِل پُچھدی قاصداںکوئی چٹھی برخوردار دی
نہ تَھوہ ٹکانہ کہہ گیااِک نام دِلے تے رہ گیا
میں کِس نوں پُچھاں جائیکےنِت تھکی فالاں پائیکے
کائی بولے بھاگ سُلکھنیمیں شگن ہمیش وچاردی
جو کیتا سی سو پایاسانوں اگلا انت نہ آیا
رہی ڈھونڈ کتاباں پھول کےسبھ پوتھی پنڈت کھول کے
اُڈ کانگا سجن آوندامیں تھکی روز اُڈاردی
اوہ کیہڑی زمیں سہاونیجِتھے پیارے پائی چھاونی
پر سانوں منوں وسار کےاوس حُب وطن دی نہ رہی
کوئی خبر لئے بار دی
اگوں جیٹھ مہینہ آیاتُساں چِت کِتے ول لایا
گھر انب تے داکھاں پکیامیں رُکھ دُوتاں تھیں تھکیاں
جے مالی مُول نہ باہوڑےکون راکھی کرے بہت انار دی
میرا جوبن بہت اُتاولااوہ نوشہ پھردا باولا
میرا سینہ سُولاں سَلیاجو آیا سِر تے جھلیا
کجھ مِہر نہیں دِل یار دےسانوں گُجھی آتش ساڑدی
مینوں صبر قرار نہ آوندانہیں خالی ویڑھا بھاوندا
نت ساڑن نوں اگ لُجھدیایہہ پانی نال نہ بُجھدی
کَج دُھوں نہ باہر نکلےکیاخوبی ہے اس نار دی
مینوں اُٹھن بہن نہ سُجھدیمیرا اندر بل بل بُجھدا
کدی خوابے اندر آونداپھیر جاگدیاں اُٹھ جاوندا
میں وانگ زلیخا پُچھدیگل یوسفؐ مصر بازار دی
آ ساون سِر تے گجیامیرا عقل فکر سبھ بھجیا
کیہی بجلی چمک ڈراونیگھٹ اُٹھی مینہہ وساونی
میرے سِر توں پانی چلیامیں رو رو کانگاں چاڑھدی
جیہڑے تارُو آہے تَر گئےسِر دوس تتی دے دھر گئے
میں ڈردی پَیر نہ پایامیرا غفلت جِیو ڈرایا
کدی بیڑا ٹھیل مُہانیامیں کندھی ویکھاں پار دی
مینوں پیا سمندر جھاگناہُن مَوتوں کِت ول بھاگنا
اوتھے چپہ ونجھ نہ لگداجِتھے پانی وگے اگ دا
میں ڈُبی بحر عمیق وِچجتھے خبر اُرار نہ پار دی
میں ڈُبدی لیندی ہاوڑےمتاں خضر کدائیں باہوڑے
یا مدد ہووے پِیردیکدی سُنے دُعا فقیر دی
مینوں کڈھے بحر عمیق تھیںوس پاوے شاہ سوار دی
آیا مانگھ مہینہ یارھواںاِک باقی رہندا بارھواں
سانوں سوہنے دا غم کھاندیاںہوئی مُدت پَچھو تاندیاں
کدی آ پیارے سجناں
میں نِج تتی نیہوں لایاجو کیتا سی سو پایا
ہُن ہار سنگاراں پھُوکدیکر کھلِیاں بانہیں کُوکدی
کوئی واقف ناہیں حال داکیہ بات کہاں اِسرار دی
دِن پل پل وڈا آیاہُن پالے جوش ہٹایا
میں عُمر گذاری روندیاںنِت ہنجوں مل مل دھوندیاں
ہُن پوے قبول دُعا جےمیں عاجز اوگنہار دی
اساں ایہہ بھی ماہ گذاریاوچ تیری تک پیاریا
توں گیوں محبت توڑ کےفیر خبر نہ لئیو موڑ کے
تینوں ترس نہ میرے حال دامیں تیرا نام چتاردی
ہُن مگھر ماگھی زور ہنسانوں نئے قضیے ہور ہن
گل آکھاں کیہ سیال دیجو گذرے اپنے حال دی
ایس وقت پیارا لوڑیئےسانوں بُہتی سِک کنار دی
اگوں راتاں آئیاں وڈیاںمیریاں بِرہوں کھاندا ہڈیاں
میں کِس نوں آکھاں کیہ کراںہُن کِت ول جا کے جی دھراں
میرے نہ گھر دھن نہ کنت ہےمیں عاجز روز شمار دی
میرے پلے خرچ نہ دام ہےوچ گھر دے آب نہ طعام ہے
مینوں اِک وچھوڑا یار دادُوجا پالا اندر ساڈدا
ہُن گھر وچ سبھ کجھ لوڑیئےبھُکھ سارے بھیت اُکھاڑدی
اج ہوون لیف نہالیاںکوئی نعمت بھریاں تھالیاں
بہہ نال پیارے کھاویئےہور مُشک گلاب لگاویئے
جے بھاگ نہ ہوون اپنےتد کاہنوں بات چتاردی
ہُن پوہ اساں کیہ آکھداسانوں روز بروز سلاکھدا
اگوں پالے آئے گج کےنالے برفاں پئیاں رج کے
سبھ جنگلیں پربت جا لُکےوا وگے شور گھوگھار دی
میں رو رو حال سُنا رہیہُن جند تلی تے آ رہی
ایہہ درد وچھوڑا یار دامینوں کیکر ول ول ماردا
اوہ پھیر کیہ کرسی آئے کےجاں وجے چوٹ نگار دی
کئی کُٹھے درد فراق دےجو جنگل جُوہے جھاکدے
ایہہ سردی درد فراق دیجِند کوہے میں غمناک دی
کدیں سُنیں دُعا پیاریامیں عاجز اوگنہار دی
کوئی آکھے جا مہتاب نوںکیہ کیتو فرد بیتاب نوں
تیری تاب تعبیر نہ تاب ہےدینہہ سُکھ راتیں خواب ہے
ہُن کیکر مِلساں جائے کےمینوں طاقت نہیں رفتار دی
جُھلی وا پھگن دی آئے کےکوئی کہے سجن نوں جائے کے
میرے بخش گناہ پیاریامیں رو رو وقت گذاریا
سبھ خویش قبیلہ مال دھنمیں جان تیرے توں واردی
ہُن آئی رُت بسنت دیکوئی خبر لیاوے کنت دی
پئی خبر سجن گھر آوندامیرا انگن پیا سُہاوندا
ہُن ہار سنگار لگاوندیمیں خاطر سوہنے یار دی
اُٹھ فردا اگوں چلّیئےچل راہ سجن دا ملّیئے
مِل پیارے نوں گل لاویئےایہہ بلدی بھاہ بُجھاویئے
سبھ درد وچھوڑا دُکھ غمدھر پَیراں ہتھ لتاڑدی
اوہ ویکھ پیارا آونداسانوں دِلبر آپ بُلاوندا
ہُن آیا روز وصال داسانوں پیارا کول بہالدا
ساڈے سجن ویکھن شادیاںساڈے دُوتیاں نوں اگ ساڑدی
سبھ صفت ثنا الاہے نوںجیہڑا بخشے کُل گُناہے نوںبھی آکھ درود رسولؐ نوںاس اللّہ دے مقبول نوںجس عاصی سبھ بخشاونےکہو برکت چارے یارؓ دیربا چیتر کہندے آیامیرے جانی کیوں چر لایامیریاں چشماں لہو پُھٹیاںمیں رو رو بہت نگُٹھیاںمیرے درداں کلیاں کڈھیاںجاں آئی رُت بہار دینت تپن سِکن ہڈیاںمیرے سُولاں شاخاں چھڈیاںسِل پُھٹے خار پریم دےول چھڈے بُوٹے سیم دےمینوں دُوتیاں بہت ستایانت رو رو آہیں ماردیجاں بِرہوں جھُولا جُھلیاغم دُکھ میرے تن پُھلیامیں اندر وڑ کے جالیاشوق تیرے بُوٹا پالیامیں کھلی اُڈیکاں راہ نوںمینوں نِت اُداسی یار دیرل بیٹھن سنگ سہلیاںمیری خبر نہ لئی آ بیلیاںاج بُلبُل پھیرا پایانالے بھور گُلاں تے آیاسبھ یار یاراں نوں آ مِلے
ہُن کتک پھیرا پایامیرا کنت نہ مُولے آیا
میں کِچرک ویکھاں راہ نوںایس بِرہوں پھڑی گناہ نوں
ہُن مِلے پیارا آئیکےنہیں مرساں موت کٹار دی
میں وِداع نہ کیتا جاندیاںکچھ پچھیا نہ شرماندیاں
کیہے وار اوّلے توریااُس وت نہ گھوڑا موڑیا
مینوں باجھوں اوس دِلدار دےگھر جاپے مِثل اُجاڑ دی
رات جاندی تارے گِندیاںدِن گھڑیاں ساعت مِندیاں
کوئی مِحرم ناہیں حال داسانوں پل پل گُذرے سال دا
اوہ کیہڑی گھڑی کُلکھنیجد پیارا منوں وساردی
میرے جوبن دُھماں پائیاںسانوں بِرہوں لیکاں لائیاں
ہُن کِچرک عشق چھُپائےایہہ بلدی بھاہ بُجھائیے
ایہہ عشق نہ رہندا چُھپیاہے ظاہر مُشک عطار دی
چڑھیا ہاڑ مہینہ کڑکدامیرے اندر بھانبڑ بھڑکدا
اِس برہوں سورج چاڑھیامینوں پتن سِکن ساڑیا
میں مَوتوں گذری لنگھ کےکیہی برچھی لائیو ای سار دی
ایس ہجرے آتش بالیامیرا جگر کلیجا جالیا
میں رو رو وقت گذاریاجھب آ مِل یار پیاریا
ہُن ہار سنگار لگاوندیکدی آس پہنچائیں پکار دی
میں پَھدی پچری رہ گئیکوئی گل شاہاں دے دِل بہہ گئی
میرا چولا ہویا تار جُوںدو زُلفاں ڈنگن مار جُوں
مینوں ہار سنگار نہ بھاونداسبھ مانگ سندُور اُتاردی
میں بیٹھی راتاں جالیاںدُکھ ڈنگ اٹھوہیں ماردے
لوک دین اُلاہمے یار دےمیں کِت ول کُوکاں جائیکے
نِت رو رو آہیں ماردی
کسے لفظ تے کرسر لے جاؤ یا دباؤ تے اوہدے معنی ویکھو۔
سمپادکی معنی، حالے جانچے نہیں گئے۔