Part of Sohni Mahiwal (سوہنی مہینوال) · 80 of 120‹ 79Read it in the whole text81 ›Qissaمہینوال نوں نوکری توں جواب ملناFazal Shah · 1827 – 1890Word meaningsA−A+CopyPrintShareVerse 1بسّ بسّ میاں مہیں چار ناہیں،ایویں کھا کے نمک حرام کیتو ۔جس نمک کھوالیو گھرے اس دے،سنھ مارنے دا گجھا کام کیتو ۔اوسے رکھ نوں وڈھنا لوڑیو ای،جس رکھ دے ہیٹھ آرام کیتو ۔دھیاں بیٹیاں دے نال کریں ہاسی،ایسے واسطے تدھُ غلام کیتو ۔جس نے پال کھوایا گھریں اس دے،سنھ مارنے دا گجھا کام کیتو ۔کھا کھا دودھ ملائیاں پاٹ گئیوں،او ناکام ! ایہہ کام کی خام کیتو ۔کی ایہہ سمجھ دلیریاں کیتیاں نی،بھاویں اساں تائیں خاص عامَ کیتو ۔تینوں ربّ دے خوف تھیں جان دتا،توں نہیں جاندوں کم جو خام کیتو ۔ساڈیاں عزتاں نوں ہتھ پاؤن لگوں،کھا لون حرام تمام کیتو ۔بھلی نیت دے نال ٹر جا اتھوں،مینوں جگّ دے وچ بدنام کیتو ۔فضل شاہ ایپر ایتھے رہیں ناہیں،ظاہر اپنا چا انجام کیتو ۔Point at or tap a word to see its meaning. With a keyboard, Tab reaches the words and the arrow keys move between them.See meaningWord meaningSource: Open in the dictionarySee the source entry →Same spelling in Editorial gloss, not yet reviewed.SourceWikisource (Punjabi), public-domain transcription: سوہنی مہینوال فضل شاہVerificationTranscribed from Wikisource, where the text is marked public domain (PD-old). Not yet checked against a printed edition.