Baba Farid · Shalok

سلوک بابا شیخ فرید (متفرق)

Shaloks attributed to Baba Farid outside the Guru Granth Sahib

Baba Farid · c. 1173? – 1266? · Collection · 207 parts

Start readingSource and notes

Shaloks attributed to Baba Farid that are not in the Guru Granth Sahib. Their authorship is uncertain.

1

اٹھ فریدہ ستیا دنیاں ویکھن جاہ ۔۔مت کوئی بخشیا ہووئی توں وی بخشیا جاہ ۔۔

2

اٹھ فریدہ ستیا من دا دیوا بال ۔۔صاحب جہناں دے جاگدے نفر کی سوون نال ۔۔

3

اکھیں لکھ پسنِ روح ن راضی کہیں سیوں ۔۔مینڈیاں سکاں سبھ پجنِ جاں مکھ دیکھاں سجنا ۔۔

4

اج کہ کلھ کہ چہوں دہیں ملکُ اساڈی ہیر ۔۔کے جتا کے ہارآؤ سؤدا ایہا ویر ۔۔

5

ابھڑ-ونجے اٹھ کے، لگہِ دھئے جائے ۔۔دیکھ فریدہ جِ تھیا، جھرنا گیا وہائِ ۔۔

6

آسرا دھنی ملاہُ کوئی نہ لاہِ ہو کڈہی ۔۔وئیوں داج اتھاہ وریانے سچا دھنی ۔۔

7

عصا تساڈی سجنوں اٹھو پہر سمال ۔۔ڈیہیں وسو منے مے راتی سپنے نال ۔۔

8

اہن پوے بھاوے میہُ سر ہی اپر جھلنا ۔۔تکن کاسہ کاٹھ دا واسا وچ ونا ۔۔فریدہ باری اندر جالنا درویسا ہرنا ۔۔

9

آکھ فریدہ کی کراں ہن وکھت وہانا ۔۔اوڑک ویلا ویکھ کے بہو پچھوتانا ۔۔

10

آوو لدھو ساتھڑو ایوے ونج کریں ۔۔مول سمبھالیں اپنا پاچھے لاہا لئیں ۔۔

11

منگ صاحب چنگا گنی دہندا، کہےَ فرید سناوے ۔۔بن گر نسدن پھراں نی مائی، پر کے ہاوے ۔۔

12

سکر کھنڈ نوات گڑ ماکھیوں ماجھا ددھ ۔۔مٹھڑیاں ہبھے وستواں سانئی ن پجن تدھ ۔۔

13

سچا سانئی سچ پیارا تاموں کوڑ ن کھیلی ۔۔جنگل وچِ بسیرا ہوسی تتھِ ن کوئی بیلی ۔۔

14

صبر منجھ کمان اے صبر کا نی ہون ۔۔صبر سندا بانُ، کھالکُ خطا ن کری ۔۔

15

سائی سیویاں گل گئی ماس رہا دیہہ ۔۔تب لگ سائیں سیوساں جب لگ ہوسی کھیہہ ۔۔

16

سانئی سندے ناوَ کھے، داونِ پری چونِ ۔۔ربّ ن بھنے پوریا، سندے پھکیرنّ ۔۔

17

ساجنُ کؤ پتیا لکھو اوپرِ لکھو سلام ۔۔جب کے ساجن بیچھرے نینی نیند حرام ۔۔

18

ساجن تمرے درسِ کؤ چاہت ہو دن رین ۔۔کورا کاگد ہاتھ دے مکھ سیوں کریہہ بین ۔۔

19

ساجن پتیاں تؤ لکھو جے کچھ انتر ہوئِ ۔۔ہم تم جیئرا ایکو ہے دیکھنِ کؤں ہے دوئ ۔۔

20

سکھ ڈکھاہں اگلے جے گہلی دھینگے ۔۔سکھا لائِ کتھا تھیوے جاں بھکھ قبول کرے ۔۔

21

سکھا جھوکھاں دھدھلاں تناں دتی جھوک ۔۔جا سرِ آئی اپنے تاں مجاں کتے ن لوک ۔۔

22

سکھ ڈکھاہں اگلے جے گرلی دھیرے ۔۔سکھاں لایق ت تھیوہِ جاں ڈکھ قبول کرے ۔۔

23

سیخ فرید کہے کلِ مے مٹھا پیو ۔۔اک موا ارُ جالِ مے کو نوں رکھاں جیو ۔۔

24

سیکھ فرید توقلی مالن دھرو پجار ۔۔طلے بچھاوے کنکرے سیوے سالک دوار ۔۔

25

ہتھڑی وٹے ہتھڑے پیراں وٹے پیر ۔۔تساں ن متیا گاجراں اساں ن متے بیر ۔۔

26

جتی کھسیاں کیتیاں تتی تھیئم روگُ ۔۔چھلُ کارنِ ماریئے کھادھے دا کہ ہوگُ ؟26۔۔

27

ایہہ تن رتا دیکھ کرِ، تلیر ٹھونگ ن مارِ ۔۔جو رتے ربے اپنے، تن تنِ رتُ ن بھال ۔۔

28

فریدہ مرشی اتے عاسقی بالی میجھُ ن ہوئِ ۔۔جے جن رتے رب سیوں تن تنِ رتُ ن کوئِ ۔۔

29

ایہہ دل عجب کتاب، جتھے دوجا حرف ن لکھیئے ۔۔فریدہ سو دم کت حساب، جو دم سائیں وسارہِ ۔۔

30

کہاں کرؤں پریتم بنا کلپ برچھ دی چھاؤ ۔۔گریکھم ڈھک سہیلہؤ جو پریتم رل باہُ ۔۔

31

کاگ کلولی کرِ گئے بگ بیٹھے سر ملِ ۔۔سمبھلِ گھنُ فرید توں وننجنُ اج کہ کلِ ۔۔

32

کنچن راس وسارِ کر، مٹھی دھوڑ بھرینِ ۔۔فریدہ توں توں کریدے جو موئے بھی توں توں کرینِ ۔۔

33

کنتُ نیہُ تنِ گارڑی، ناگاں ہتھِ منائِ ۔۔وس گندلی مسدہ نگر، ہوریں لہد لہائ ۔۔

34

کنک مول کاگد بھیا ارُ مسُ بھئی ہیرے مول ۔۔لکھنی بھئی جو لکھ تھکے اے دوؤ پیئہ کے بول ۔۔

35

کناں دنداں اکھیاں سبھنا دتی ہار ۔۔ویکھ فریدہ چھڈ گئے مڈھ قدیمی یار ۔۔

36

کر کمپے لکھنی گرے روم روم اکلائ ۔۔سگھِ آئے چھاتیں جلے پتیا لکھی ن جائ ۔۔

37

کاگاں نین نکاس دوں، پی کے دکھ لے جائ ۔۔فریدہ پہلے درس دکھائے کے تا کے پاچھے کھائِ ۔۔

38

تم ہم کو کیوں وساریو ایہہ بھلی ن ریتِ ۔۔کیا تم لکھ نہیں جانتے کہ منہُ وساری پریتِ ۔۔

39

کاگے آئِ ڈھنڈولیا، پائِ مٹھّ کو ہڈّ ۔۔جن پنجر برہا بسے ماس کہاں تے رت ۔۔

40

کاگدُ گھنو ہورُ مس گھنو ہمارو پیار ۔۔انتر ہیئرے بسِ رہے کہ لکھے پیارے یار ۔۔

41

کوٹ ڈھٹھا گڈھ لٹیا ڈیرے پئے قہار ۔۔جیودیا ہورے معاملے فریدہ میاں ہورے ہار ۔۔

42

کوک فریدہ کوک تو، جیوں راکھا جوار ۔۔جب لگ ٹانڈا ن گرے تب لگِ کوک پکار ۔۔

43

کھاکاں وچِ گڑی سنھی پانی پیون پنے ۔۔لکھی مہلتِ چلنا فریدہ جیوں جیوں پئے سنے ۔۔

44

کھڑکی کھلی عرب دی کھلے سبھ دوار ۔۔منگ فریدہ منگناں ایہا منگن بار ۔۔

45

فریدہ کھیتی اجڑی سچے سِؤں لو لائِ ۔۔جے ادھ کھادھی ابرے تاں پھل بہتیرا پائِ ۔۔

46

چڑھ چلنِ سکھواس نی، اپرِ چؤر جھلنِ ۔۔سیج وچھاون پاہرو، جتھے جائ سونِ ۔۔تناں جناں دیاں ڈھیریاں، دورہں پئیاں دسنِ ۔۔

47

جسا سے راتیں وڈیاں ڈو ڈو گانڈھنیاں ۔۔تم اک جالُ ن سنگھیا اساں سبھے جالنیاں ۔۔

48

جسا راتی وڈیاں دھوکھِ دھوکھِ اڈنِ پاس ۔۔دھرگ تناں دا جیویا جنہاں وڈانی آس ۔۔

49

جنگل جائ بلاس کر، بھکھ ن ساڑِ سریر ۔۔بھوجن شیخ فرید دا، جالی جنڈ کریر ۔۔

50

جاں جاں روح رکوع میں تاں تاں دیہی نورنگ ۔۔دانہ پانی باودا مستکِ لکھیا انگ ۔۔

51

جا موں لگا نیہُ، تاں میں ڈکھ وہاجیا ۔۔جھراں ہبھو ہی ڈیہ، کارنِ سچے ما پئری ۔۔

52

جتُ مکھ کدی ن دیدیاں، تتا بھوجن واتِ ۔۔تسہہ اپرِ ڈھنڈھڑی بلسِ سرنگ راتِ ۔۔

53

جو دتا تے جتا رس پیا یوں لین ۔۔واریا تے ہاریا کہُ سیخ فرید پیاریا ۔۔

54

جِ اٹ سران اتے گور گھر کیڑا لڑئسی ماس ۔۔کیتڑیاں جگ جانگے جِ پیا اکتے پاس ۔۔

55

جِ فریدہ بھنی گھڑی سونویں اتے تٹے نگر لجُ ۔۔اجرائیلُ پھریستا بھے گھرِ ناٹھی اجُ ۔۔گھن آیا جند کوُ کیہا کریسی پجُ ۔۔

56

زندگی دا وساہ نہیں سمجھ فریدہ توں ۔۔کر لے اچھے عمل توں ہو جا سرنگوں ۔۔

57

جنی توں توں کیا تنی سواتو تنِ ۔۔رب ن پنٹھے کھوریا دھندے فقیرن ۔۔

58

جی جی جیوے دنی تے کھریئے کہی ن لائِ ۔۔اکو کھرنُ رکھ کے ہور سبھے دیئ لٹائ ۔۔

59

ٹوبی مارنی گاکھڑی سدھراں لکھ کرین ۔۔جناں دا منُ دھاپیا سوئی مانک لڈین ۔۔

60

تن سمند منسا لہرُ ارُ تارو ترہِ انیک ۔۔تے برہی کیوں جیوتے جِ آہے ن کرتے ایک ۔۔

61

تن رہیا منُ سڑیا پنجاں نوں ہوئی تاکِ ۔۔ڈھیری ہوئی بھسم دی (جیوں) بستی گجراکِ ۔۔

62

تنا اتی پیاریاں کوئِ ن پچھے جائ ۔۔کھنئہُ تکھی پرسلات تے کنی ن سنیائ ۔۔فریدہ کڑی پوندیئے توں کھڑا ن آپُ مہائِ۔۔

63

در بھیڑا گھرُ سنگڑا گور نمانی واسُ ۔۔دیکھُ فریدہ جو تھییا آڑونجِ کریاسُ ۔۔

64

پریتم تم متِ جانیا تم بچھرت ہم چین ۔۔دادھے بنِ کی لاکڑی سلگھتُ ہوں دن رین ۔۔

65

پلکا سو پگ جھارتی جو گھر آوے پیؤُ ۔۔اؤر بدھاوا کیا کرو میں پل پل وارے جیؤ ۔۔

66

پلکا سو پگ جھارتی اسوئن کرت چھرکاؤ ۔۔بھؤہاں اوپرِ پاؤں دھرِ سیام سلونے آؤ ۔۔

67

پری وسارنُ نہ کرنُ جے موہ بھاگین ۔۔فریدہ پری وسارے نائتے بیا رون کبدھی روینِ ۔۔

68

پیر وسارنِ بیا رون کبدھی چوینِ ۔۔کنچن رام وسار کے مٹھی دھوڑ بھؤئین ۔۔

69

فریدہ اچا ن کر صدو رب دلاں دیاں جاندا ۔۔جو تدھ وچ قلب سو منجھاہو دور کرِ ۔۔

70

فریدہ اتھاں ٹکیئ جتھے وسن انھے ۔۔نہ کو سانوں جانے بجھے نہ سانوں منے ۔۔

71

فریدہ اساں کیری بھئی سریت ۔۔جاؤں پریتم کی گلی کہ جاؤں مسیت ۔۔

72

فریدہ اکے ت سکن سکُ، اکے ت پچھِ سکندیاں ۔۔تناں پچھے ن لک، جو سکن سار ن جاننی ۔۔

73

فریدہ اکے ت لوڑ مقدمی، اکے ت الہُ لوڑ ۔۔دو دھرِ بیڑیں ن لتّ دھرِ، ونجھہِ وکھت بوڑِ ۔۔

74

فریدہ اتی رنگڑے وگچیو وننجِ پچھا منجٹھ ۔۔ٹکے تول بکانودی سو گولی رلندی دٹھّ ۔۔

75

فریدہ اج کہ کلھ کہ چہُ دنی اوڑک دنی دسیں ۔۔ایس سہاوڑے دیسڑے نہ ہووہگے اسیں ۔۔

76

فریدہ اندر تے جے معاملے باہر کیا سیگار ۔۔پاج تتھاؤ اگھڑے جتھے ملے قندھار ۔۔

77

فریدہ اندر بھریا سانملی باہرِ کی سنگیار ۔۔پاج تدھائیں اگھڑے جتھے ملنھِ قندھار ۔۔

78

فریدہ آہِ ہکڑا اتے ہن بھ تھیسی ہک ۔۔اوپئی ٹنا ن کرے، تیہی آئیسُ سک ۔۔

79

فریدہ ایسا ہوئِ رہُ جیسا ککھ مسیتِ ۔۔پیراں طلے لتاڑیاں، توں کدے ن چھوڈیں پریت ۔۔

80

فریدہ ایہہ سہج دیاں بوتھیاں رکھیاں رب سوار ۔۔جاں جاں اس جہان مہہ تاں تاں دیکھہہ جار ۔۔

81

فریدہ ایہہ جو جنگل رکھڑے ہریئلُ پتُ تنہاں ۔۔پوتھاں لکھیا ارتھُ دا ایکسُ ایکسُ مانہہ ۔۔

82

فریدا ایہہ تن بھوکنانِت نِت دُکھیے کونکنّیں بُجّے دے رہاکِتّی وگّے پون

83

فریدہ ایہہ دم گئے باؤرے، جاگن دی کرِ روپ ۔۔ایہہ دم ہیرے لال نے، گنے شاہ نوں سونپ ۔۔

84

فریدہ اک وہجے لون بیا کستوری جھنگ روہِ ۔۔باہرِ لائِ سبون اندرِ ہچھا ن تھیوہِ ۔۔

85

فریدہ اکنا متِ خدائِ دی اکنا منگ لئی ۔۔اک دتی مول ن دھندے، جیوں پتھر بوند پئی ۔۔

86

فریدہ اکے تاں سکن سک، اک تاں پچھ سکندیاں ۔۔تنہاں پچھے ن مک، جو سکن سار ن جاننی ۔۔

87

فریدہ اکے لوڑ مقصدی اکے تا اﷲ لوڑ ۔۔دوہُ بیڑی ن لتُ دھرِ وننجی وکھر بوڑُ ۔۔

88

فریدہ اٹ سرانے گور گھر کیڑا پوسی ماسِ ۔۔کتڑیاں جگ جانگے پیا اکتُ پاسِ ۔۔

89

فریدہ ان جہان بچِ اے ترے چنگے ٹول ۔۔ہتھوں ڈیوے نوِ چلے مکھوں مٹھا بول ۔۔

90

فریدہ ایس جہان وچ، تنے ٹول کرینِ ۔۔مٹھا بولن، نو چلن، ہتھہں بھ کجھُ دیئن ۔۔

91

فریدہ اے بہہ جاندیاں گھتھیاں رکھیاں رب دھوار ۔۔جاں جاں اس جہان مے تاں تاں رب چتار ۔۔

92

فریدہ ایک مورتِ لوئنا ایک مورتِ دئِ ساس ۔۔ایک مورتِ گھٹ دوئ ہے دو مورتِ اک آس ۔۔

93

فریدہ سجے صبر جناں پادھیاں، چھٹے کبہوں بنی ۔۔جنہاں سر پرِ وننجنا تناں کوڑ منی ۔۔

94

فریدہ صاحب لوڑہِ ہبھّ ۔۔تاں تھیؤں پواہے دبھّ ۔۔ہک چھجہِ بیا لتاڑیئہِ ۔۔تا صاحب دے در واڑیئہِ ۔۔

95

فریدہ سائیا سکا ویکھ کے، لوک جانے درویس ۔۔اندر بھریا مانسلی، باہرِ کوڑا ویس ۔۔

96

فریدہ سکا سک سکندیاں، سکیں ڈیہے راتِ ۔۔مینڈیاں سکاں سبھ پجنِ جا پریا پائی جھاتِ ۔۔

97

فریدہ سکھاں کوں ڈھونڈھیدیاں ڈکھ ن باری ڈینھِ ۔۔اک بھرِ بھرِ پور لنگھائنِ بیا پتن آئِ کھلینھِ ۔۔

98

فریدہ ستا ایہہ نیندم پودو ایو ۔۔جنی نین نیداولے سے دھنی ملندے کیو ۔۔

99

فریدہ ستا ہے ت جاگ، گھنا سوسیں گور مہں ۔۔بن عملاں سوہاگ گلیں ربّ نہ پائیٔہہ ۔۔

100

فریدہ سے داڑھیاں کوڑاویاں جو سیتان بھچنِ ۔۔اہرن طلے ودان جیوں دوجک کھڑِ دھریئنِ ۔۔102

101

فریدہ سو در سچا دیہہ جت من لبُ جاہِ ۔۔راج مال کہہ کھؤ امالن وچ لکھاہِ ۔۔

102

فریدہ سو در سچا سیوَ توں جتُ مکلوب نی جاہِ ۔۔رج مستک ہڈ کھؤ عمل ن وکن کھاہِ ۔۔

103

فریدہ ہے جیا کھڑسی جبِ تے کسیسی سونّ جیوں ۔۔کیا دوسی تر جگُ ریہی کوڑا تھیا ۔۔

104

فریدہ ہاتھی سون امباریاں، پیچھے کٹک ہزار ۔۔جاں سر آوی اپنے تاں کو میت ن یار ۔۔

105

فرید کدے آہو ہیکڑا اتے ہن تھیؤ پرگٹ ۔۔ایویں پان مشاہرو جا لائِ بیٹھو ہٹّ ۔۔

106

فرید کڈے آہِ ڈھنڈھولیاں پائے مٹھِ کو ہڈ ۔۔جتُ پنجرِ برہا بسے ماس کہاں تے رڈ ۔۔

107

فرید کڈے ایہہ ہکڑا اتے ہن بھی تھیسی ہک ۔۔او پئی ٹناں ن کرے تیہی لائیوس سک ۔۔

108

فرید کڈے ایہہ کہڑا اتے ہن بھی تھیسی ہک ۔۔تیہی لائیمُ سک او پئی ٹنا نہ کرے ۔۔

109

فریدہ کرن حکومت دنی دی حاکم ناؤ دھرنّ ۔۔اگے دھاؤل پیادیاں پچھے کوت چلنّ ۔۔چڑھ چلن سکھ واہنی اپر چور جھلنّ ۔۔سیج وچھاون پاہرو جتھے جائ سونّ ۔۔تناں جناں دیاں ڈھیریاں دوروں پئیاں دسنّ ۔۔

110

فریدہ کرنگ ڈھنڈھولیاں اوڈن ناہی تھاؤں ۔۔ہک نہ چوڈیں مینڈی جیبھڑی جتُ گھناں ہرِ ناؤں ۔۔

111

فریدہ کاری کامبری اور کاری نس ۔۔آپہے ہی مر جائینگے چور باگھا بس ۔۔

112

فریدہ کالی میڈی کملی کالا میڈا ویس ۔۔گنہی بھریا مو پھراں لوکُ جانے درویس ۔۔

113

فریدہ کاپڑ رتا پائہِ مجیٹھے کؤن رتا دریاوے ۔۔بندہ ناؤ اﷲ دے رتا ست بن اور ن بھاوے ۔۔بھٹھ پئی ساہگتی مجلس جت صاحب چت ن آوے ۔۔

114

فریدہ کیا لڑ چٹے لٹ بی جائی چنج ونے ۔۔جے توں مرہِ پٹ تاں کیہا تیرا سو پری ۔۔

115

فریدہ کتھے سے تیڈے ماؤ پیو جنی توں جنیوہِ ۔۔تے دیکھدیاں لڈھ گئے توں اجے ن پتینوہِ ۔۔

116

فریدہ کریئ کریئ ویدیا طلے چاڑا مہریرُ ۔۔دیکھے چھٹ چھٹ تھیودا متُ کھسیئی پیرُ ۔۔

117

فریدہ کوکیندڑا کوکُ کدے تاں رب سنیسیا ۔۔نکل ویسی پھوکُ تاں پھر کوک ن ہوسیا ۔۔

118

فریدہ کوڑ ن کائی سجھیا، سچُ ن لگنِ داگُ ۔۔ہک پریا دی پلک دا ساری عمر سہاگُ ۔۔

119

فریدہ کوٹ ڈھٹھا گڑُ لٹیا ڈیرے پئی کہاہ ۔۔جیودیاں ستا رہیا مویا دیئی دی راہ ۔۔اج کہ کلِ کہ چہُ دنی ملک اساڈی ہیر ۔۔کے جت کو ہے ہاریو سودا ایہا ویر ۔۔

120

فریدہ کھیتی اجڑی سچے سیؤ لو لائِ ۔۔جے ادھکھادھی ابرہِ تاں پھل بہتیرا پائِ ۔۔

121

فریدہ خاکُ سندیاں ڈھیریاں اپر میلے ککھ ۔۔اوچے ہو کوئی ن آوئی اتھے وننے لکھ ۔۔

122

فریدہ گر بن ن وڈیائیاں دھن جوبن اسگاہ ۔۔خالی سلے دھنی سیؤ ٹبے جیو میاہ ۔۔

123

فریدہ گھرے دمامے مؤت دے سگلِ جہان سنے ۔۔جگُ چھتیہ وپارے، گھاہے واگُ لنے ۔۔نیجی بدھے دھانودے، سے بھ ملک چنے ۔۔چیری آئی چلنا جیوں جیوں پونِ چنے ۔۔

124

فریدہ چلے بن کؤں قطب دیوَ بہاؤ ۔۔باپ چور بابے بھیریا چارو ڈارِ بندھاؤ ۔۔

125

فریدہ چلے پردیس کؤ قطب جو کے بھانؤ ۔۔سانپاں جودھاں ناہراں تناں دانت بندھاؤ ۔۔

126

فریدہ چڑیلی سیوں رتیا دنیا کوڑا بھیت ۔۔اینی اکھیں دیکھدیاں، اجڑ وننجہہ کوڑا کھیت ۔۔

127

فریدہ چھپر بدھا کانیا، بھئے پرانے ککھّ ۔۔سے سجن کیوں ویسراہِ، گن جناں دے لکھ ۔۔

128

فریدہ جنگل ڈھونڈھے سنگھنا لمے لڑیا ن وتِ ۔۔تنُ حجرہ درگاہِ دا تس وچ جھاتی گھتِ ۔۔

129

فریدہ جنگل دتا سوونا، ارُ اندھیاری گور ۔۔مٹی مٹی رل گئی اتے پؤسی ہور ۔۔

130

فریدہ جنگھی نکئی تھل گر بھرمیوم ۔۔مجھ سسیتی کوجڑا سے کوہا تھیؤم ۔۔

131

فریدہ جل جھینگارن ماجھیاں، تھلِ جھینگارن مور ۔۔ودھن راتی آئیاں، تتِ نمانی گورِ ۔۔

132

فریدہ جا جا رنگ بازار میں سودا نہ کیتوم ۔۔ہٹ واریا وتھ گھڈاں یاد پئیومُ ۔۔

133

فریدہ جاں جاں جیوے تاں تاں پھرے الکھُ ۔۔درگہہ سچا تا تھیوے، جاں کھپھنُ مول نہ رکھ ۔۔

134

فریدہ ماؤ مہنڈی کملی جن جیون رکھیا ناؤں ۔۔جا دن پنے موت دے، نہ جیون نہ ناؤں ۔۔

135

فریدہ جاگنا ای تاں جاگ راتڑھی ہبھ وہانیاں ۔۔جے مو متھے بھاگ پری وسارن نہ کرنِ۔۔

136

فریدہ جاگنا ای تاں جاگُ راتڑیاں ہبھ وہانیاں ۔۔پری وسان نہ کرنُ جے مو متھے بھاگ ۔۔

137

فریدہ جانا ای تاں جاگ ہوئی آ پربھات ۔۔اس جاگن نوں پچھتائینگا گھنا سووینگا رات ۔۔

138

فریدہ جے میں پچھاں ہس کے، سو میں پوچھن روئِ ۔۔جگ سبھوئی ڈھونڈیاں، ڈکھاں باجھ ن کوئِ ۔۔

139

فریدہ جت کلما لکھیا، جے میں ہوواں پاسِ ۔۔کر منتِ کر جودڑے، پھری لکھاواں راسِ ۔۔

140

فریدہ جتُ منِ برہا اپجے تت تن کیسا ماسُ ۔۔اتُ تنِ ایہہ وی بہت ہے ہانڈہ چاگ ارُ ماسُ ۔۔

141

فریدہ جنی صبر کمال جِ کر کماون کانیا ۔۔ہنے سندے بان خلق خالی ن کرے ۔۔

142

فریدہ جے جانا درویسی ڈاکھڑی تاں چلا دنیاں بھتِ ۔۔بنِ اٹھائی پوٹلی ہن ونجھے کتھے گھتِ ۔۔

143

فریدہ جے توں دل درویسے رکھ عقیدہ سامنا ۔۔درہیں سیتی دیکھ، متھا موڑ نہ کنڈ دے ۔۔

144

فریدہ جے توں وننجے ہجُ حج ہبھو ہی جیا میں ۔۔لاہِ دلے دی لج سچا حاجی تاں تھیویں ۔۔

145

فریدہ جے داہڑیاں کڑائی سو سنتان(شیطان) بھچین ۔۔اہرن طلے وداڑ جو دوجک کھڑے دھریئین ۔۔

146

فریدہ جیتے اوگن مجھ میں چمی اندر وار ۔۔گھنی خواری ہو رہے جے آنن باہروار ۔۔

147

فریدہ جے در لگے نیہُ، سو در ناہیں چھڈنا ۔۔آہن پوہِ بھاویں میہُ، سر ہی اپر جھلنا ۔۔

148

فریدہ ٹبھی مارن گاکھڑی سدھراں لکھ کرینِ ۔۔جناں دا من دھپیا، سے مانک لبھینِ ۔۔

149

فریدہ ڈھیری دسے چھار دی اپرِ ڈھہریاں ۔۔بھی ہودے مانویں ماندے رلیاں ۔۔

150

فریدہ تتے ٹھنڈے ونوسنِ، سر تانن جو اڈِ ۔۔جے لوڑہں دیدار نو تاں تن دھر تل گڈِ ۔۔

151

فریدہ تن ہریا من پھٹیا، تاگتِ رہی ن کائ ۔۔اٹھ پری طبیب تھیؤ، کاری داروئے لائِ ۔۔

152

فریدہ تکل کاسہ کاٹھ دا واسا وچ ونا ۔۔باری اندر جالنا درویشا ہرنا ۔۔

153

فریدہ تنے ٹول کرینِ ۔۔مٹھا بولن نوُ چلن ہتھوں بھی کچھ دینِ ۔۔

154

فریدہ توں توں کریدے جو موئے موئے بھی تو تو کرن ۔۔جنی توں توں ن کیا تنی ن سنجھاتو تن ۔۔سانئیں سندے ناکھوے دائم پری رونِ ۔۔ربّ ن بھنے پوریاں مندے فقیرن ۔۔

155

فریدہ در بھیڑا گھر سنکڑا گور نباہو نتُ ۔۔دیکھ فریدہ جو تھیا سو کلِ چلے متُ ۔۔

156

فریدہ درد جنہاں دے دائرے دی اس سول سہنِ ۔۔منجھے چڑھہنِ کہا ہیاں منجھے ہی تلینِ ۔۔

157

فریدہ در ورسائیا کانیاں رب ن گھڑیئینِ ۔۔لگن تنا مناپھکاں جو ن قدر جنینِ ۔۔

158

فریدہ درد ن وننجمِ دارو جِ لکھ طبیب لگنّ ۔۔چنگی بھلی تھی بہاں، جو موں پری ملنِ ۔۔

159

فریدہ درویسی گاکھڑی چوپڑی پریت ۔۔اک ن کنے چلیئے درویشیں دی ریت ۔۔

160

فریدہ داڑھیاں لکھ وتنّ ہبھ نہ ہکے جیہیاں ۔۔اک در لکھ لہن ہکُ ککھوں کنؤ ہؤلیاں ۔۔

161

فریدا دُکھ سُکھ اِکُ کردِل تھیں لاہ وِکاراللہ بھلاوے سو بھلاتاں لبّھی دربار

162

فریدہ دنی دے لالچ لگیا محنت بھل گئی ۔۔جا سر آئی اپنے تاں سبھو وسر گئی ۔۔

163

فریدہ دیہہ جہسرِ بھئی، نینی وہے سریس ۔۔سے کوہاں منجا بھیا اننن تھیا بدیش ۔۔

164

فریدہ دیکھِ جو سجن اہُ گئے چڑِ چندن کی ناؤں ۔۔منِ پچھتاوا رہ گیا، دؤڑِ ن چمے پاؤں ۔۔

165

فریدہ دیکھِ جِ سجن آہُ گئے، مینڈنِ میلا ویسُ ۔۔نسو آونُ ن ملن، وننج لتھے وہ دیس ۔۔

166

فریدہ دل اندر دریاؤ کندھی لگا کی پھریں ۔۔ٹبی مار منجھاہی ریجھوں ہی مانک لہیں ۔۔

167

فریدہ دل دی توڑ تکبری من دی لاہِ بھراندِ ۔۔درویسا کوُ لوڑیئے رخاں دی جیراندِ ۔۔

168

فریدہ نکڑی جیہیئ جننڑیئ ہبھے جگ بھویوم ۔۔وچ مسیتی کوجڑا سؤ کوہا تھیؤم ۔۔

169

فریدہ نیہُ ت لب کیہا لب تا کوڑا نیہُ ۔۔کچر تانئیں رکھیئے تٹے جھومبر میہُ ۔۔

170

فریدہ پہُ پھٹی جھالو تھیاں، ہبھ وہانی راتِ ۔۔ایتھے عمل کریندیئے، دیسی کؤن جگاتِ ۔۔

171

فریدہ پاؤ پسار کے اٹھے پہر ہی سؤں ۔۔لیکھا کوئی ن پچھئی، جے وچہں جاوی ہؤں ۔۔

172

فریدہ پتی وسارن بیار ون کبدھ چوینِ ۔۔کنچنّ راس وسار کر مٹھی دھوڑ بھرینِ ۔۔

173

فریدہ پیری بیڑا ٹھیل کے کنڈھے کھڑا ن ہوؤ ۔۔وطن آون تھیسیا ایت ن نندڑی سوؤ ۔۔

174

فریدہ پیریں کنڈے پندھڑا، سیتی سجانا ۔۔بھٹھّ ہنڈولہِ دا پینگھنا، سیتی اجانا ۔۔

175

فریدہ پھٹیا لکھ ملنِ پھٹی لکھے ن کائ ۔۔پھٹی نوں پھٹی ملے تاں دیوے در بتائِ ۔۔

176

فریدہ بیڑا زرجرا، کمبن لگا جیؤ ۔۔جے تجھ پار لنگھاونا، تاں آپِ مہانا تھیؤ ۔۔

177

فریدہ بھکھ ن لاون منگیا عشقَ ن پچھی جاتِ ۔۔نیند ن ستھر منگیا کویں بہانی راتِ ۔۔

178

فریدہ منجھ دروازے ویہدیا ڈٹھم میں ڈھڑیال ۔۔گلہُ زنجیر ن اترے چوٹ سہے کپال ۔۔بے گناہاں ایہہ ماریئے گناہا دا کیا حالَ ۔۔

179

فریدہ منجھِ مکہ منجھِ ماڑینا، منجھے ہی مہراب ۔۔منجھے ہی کعبہ تھیا قیدے کری مہمان نواز ۔۔

180

فریدہ ملک دییا اکھیں گدیاں بجو لوے چمکار ۔۔تنا کو نیدڑی کیوں پوے جنہاں ملک جیہے جندار ۔۔

181

فریدہ مانک مول اتھاہُ، قدر کی جانہِ سیسگر ۔۔اکے ت گوڑہا شاہ، اکے تاں جانہِ جؤہری ۔۔

182

فریدہ مٹھا بولن نو چلن ہیتھہُ بھی کچھ دین ۔۔ربّ تناں دی بکلی جنگل کیوں ڈھونڈھین ۔۔

183

فریدہ مرت(متر) وچھوڑا برہ جھل ن بوجھے گوار ۔۔کیا جاننِ اویارا بولا سندی سار ۔۔

184

فریدہ میں نوں منج کرِ، نکی کرِ کرِ کٹِ ۔۔بھرے خزانے ربّ دے جو بھاوہِ سو لٹِ ۔۔

185

فریدہ میں تن اؤگن ایتڑے، جیتے دھرتی ککھُ ۔۔تؤں جیہا میں ن لہاں، میں جیہیاں کئی لکھ ۔۔

186

فریدہ راتیں اتے ڈیہ وننجنِ وداع کریدیاں ۔۔ایہہ بھ کوڑا نیہُ، رب جاگہِ توں پے سوہں ۔۔

187

فریدہ راتی سووہِ کھٹّ، ڈیہے پٹہں پیٹ کوں ۔۔جا تؤں کھٹن ویل، تڈاہیں تے سؤں رہیا ۔۔

188

فریدہ راتی چار پہر تو ستا کوں جاگ ۔۔گھنا سووسی گور مہہ لہسیا ایہہ وراگُ ۔۔

189

فریدہ روٹی تیری کاٹھ کی لاون تیڈی بھکھ ۔۔جو کھاوسنِ چوپڑی گھنے لہسنِ ڈکھ ۔۔

190

فریدہ ہوون جلن نوار، ن کرِ اکھیں گاڈھییاں ۔۔لمی ندرِ نہال، سبھو جگ ہی وانڈھڑا ۔۔

191

فریدہ لہری سائر سندیاں، بھی سو ہنس ترینِ ۔۔کیا ترینِ بگبپڑے جِ پہلی لہر ڈبنِ(ڈبینِ) ۔۔

192

فریدہ وڈی ایہہ بہادری، کرِ کوگنگ کوتیاسُ ۔۔درگاہ تھیوی مکھ اجلا کوئِ ن لگی داغ ۔۔

193

فریدہ وڈ ویر نہ جاگیو جیوندا مئیوئ ۔۔جے تے رب وساریا توں رب نہ وسارؤئ ۔۔

194

فریدہ وچھوڑا بریارُ جتِ وچھڑے جگ دبلا ۔۔تے ماہنُ ہیسیار وچھڑِ کے موٹے تھیون ۔۔

195

باجے بجے مؤت دے سگل جہان سنے ۔۔پیر پکمبر اؤلیئے سے بھی مؤت چنے ۔۔کھاکاں وچ گھڑیسنی، پانی پین پنے ۔۔لکھی مہلتِ چلنا، فریدہ جیوں جیوں پئے گنے ۔۔

196

باجے بجے موتِ دے چڑیا ملکئل موتُ ۔۔گھنن واہیں جیندڑی ڈھاہن واہیں کوٹ ۔۔

197

بنا گر نس دن پھراں نی مائی، پر کے ہاوے ۔۔اؤگنیاری نوں کیوں کر کنت وساوے ۔۔

198

بڈھا تھیا سیخ فریدہ کمبن لگے ٹال ۔۔ٹنڈڑیاں جل لانیاں ترن لگی مالھ ۔۔

199

بھنی گھڑی سونوی ٹٹی ناگر لجّ ۔۔عزرائیل فریستا کے گھرِ ناٹھی اج ۔۔گھنن آیا جند کوُ اکا کریسی پج ۔۔

200

محمد چلے دسواری اول پنچا بند ۔۔سانپ چور باگھ بھیڑیا چارو رستے بند ۔۔

201

منجھِ مکا منجھِ میں تیاں منجھے ہی پھریاد ۔۔نیاو منجھاؤ نکلے منجھے پاونج دادِ ۔۔

202

ملا اکے تاں لوڑِ مکدمی اکے تاں الہُ لوڑِ ۔۔ڈو بیڑی نہ لط دھرِ مت وننجیں وکھر بوڑِ ۔۔

203

موسیٰ نٹھا موت توں ڈھنڈے کائے گلی ۔چارے کونٹاں ڈھونڈیاں اگے موت کھلی ۔۔

204

یہ تن رتا ویکھ کرِ تلیر ٹھنگ ن مار ۔۔جو رتے رب اپنے تن تنِ رتُ ن بھالِ ۔۔

205

لکھ کروڑی کھٹِ کے بندہ جائی نِ ننگُ ۔۔فریدہ جندڑی ن چھڈدا اجرائیلُ ملنگ ۔۔

206

ویئی وگِ وہی والِ پوی ہو ن تھیئے ۔۔سکر کرِ سمع تدھُ ادھار تھیوے ۔۔

207

فریدہ جاں جاں جیوے دنی تے تاں تاں پھرو الکھ ۔۔درگہ سچا تاں تھیوے جاں کھپھن مول ن رکھ ۔۔

Point at or tap a word to see its meaning. With a keyboard, Tab reaches the words and the arrow keys move between them.