کافیجس لگدا عشقَ تماچا ہےمیراں شاہ جالندھری · ۱۸۳۹ – ۱۹۱۴؟لفظاں دے معنیا−ا+نقل کروچھاپوسانجھا کروبند ۱جس لگدا عشقَ تماچا ہے،اس رہندی خبر نہ کائی رے ۔سبھ تن من جل بل خاک ہویا،پھر ہسدی دیکھ لکائی رے ۔بند ۲جو عشقَ تماچا سہندا ہے،اوہ وچ حضوری ہندا ہے،بن سمع بکم بہندا ہے،نہ رہیا چوں چرائی رے ۔بند ۳جو عشقَ صنم منظور ہویا،اوہ وچ درگاہ پھگفور ہویا،بیزام وصل مخمور ہویا،اس ہستی مار گوائی رے ۔بند ۴سن قاضی مصلے کردا ہے،سر بند دو جائیں دھردا ہے،کیوں حرص تمھاں وچ مردا ہے،کیہی غفلت موت بھلائی رے ۔بند ۵ساڈا شیشہ رانجھا ماہی ہے،وچ درشن جات الٰہی ہے،ال انسان خبر دکھائی ہے،جاں دیکھاں حدیث گواہی رے ۔بند ۶جس دن دا رانجھا یار ہویا،وا فیئن فکم اظہار ہویا،دو جگ وچّ دلدار ہویا،ہن شادی غمی نہ کائی رے ۔بند ۷سانوں اپنا اصل حصول ہویا،جاں ماہی وصول ہویا،وچ ضامن آپ رسول ہویا،جن رانجھے نال نکائی رے ۔بند ۸جد کنّ دی ہوئی منادی ہے،اس دن دا رانجھا ہادی ہے،ساڈی پریت دوہاں دی عادی ہے،جد مرلی آن بجائی رے ۔بند ۹چل میراں شاہ اظہار کراں،اتھے تن من تے سر وار کراں،در صابر دے دیدار کراں،جس مندی کل خدائی رے ۔کسے لفظ تے کرسر لے جاؤ یا دباؤ تے اوہدے معنی ویکھو۔معنی ویکھولفظ دے معنیحوالہ: لغت وچ ویکھواصل اندراج ویکھو ←ایہو لفظ ایس وچ وی: سمپادکی معنی، حالے جانچے نہیں گئے۔حوالہوکی سورس (پنجابی)، عوامی ملکیت والا متن: کافیاں میراں شاہجانچمتن وکی سورس توں لیا گیا اے، جتھے ایہنوں عوامی ملکیت (پرانی لکھت) آکھیا گیا اے۔ حالے کسے چھپی کتاب نال ملایا نہیں گیا۔ایسے شاعر دا ہور کلامآ پیا لے سار میریآ ماہی سانوں درس دکھاآ ماہی میرے رمزاں والےآ میرے بالم تم سنگ ہمنےآ وے پریتم پیارےآ وے پیا سانوں دے وے نظارہ