کافیتسیں دیکھو ناز پیارے دےمیراں شاہ جالندھری · ۱۸۳۹ – ۱۹۱۴؟لفظاں دے معنیا−ا+نقل کروچھاپوسانجھا کروبند ۱تسیں دیکھو ناز پیارے دے،جگ موہیا نال نظارے دے ۔بند ۲سانوں تھان مقام نہ دسدا ہے،خود ہر ہر جا وچ وسدا ہے،کتے ہسدا ہے کتے نسدا ہے،سئیؤ دیکھو طور اوارے دے ۔بند ۳کتے نزرو نظر نہال ہویا،کتے گونس قطب ابدال ہویا،کتے چاکر ہیر سیال ہویا،کتے دیندا پتے ہزارے دے ۔بند ۴کیہا ول چھل کھیل رچایا ہے،سانوں عشقَ انوکھا لایا ہے،لا اﷲ انسان سر منایا ہے،پھند دیکھو سوہنے سارے دے ۔بند ۵کتے ہسّ ہسّ آ گل لائیندا،کتے مکھڑا آن چھپائیندا،کتے سانوں حضر ستائیندا،نہیں سندا دکھ دکھیارے دے ۔بند ۶کتے شاہ جیلانی پیر ہویا،کتے چشتی اہل فقیر ہویا،کتے میں وی دامنگیر ہویا،وچّ جاکے حشر دہاڑے دے ۔بند ۷جد میراں شاہ فہمید ہوئی،مکھ مرشد وچّ دید ہوئی،جاں دید ہوئی تاں عید ہوئی،اج جاگے بھاگ نکارے دے ۔کسے لفظ تے کرسر لے جاؤ یا دباؤ تے اوہدے معنی ویکھو۔معنی ویکھولفظ دے معنیحوالہ: لغت وچ ویکھواصل اندراج ویکھو ←ایہو لفظ ایس وچ وی: سمپادکی معنی، حالے جانچے نہیں گئے۔حوالہوکی سورس (پنجابی)، عوامی ملکیت والا متن: کافیاں میراں شاہجانچمتن وکی سورس توں لیا گیا اے، جتھے ایہنوں عوامی ملکیت (پرانی لکھت) آکھیا گیا اے۔ حالے کسے چھپی کتاب نال ملایا نہیں گیا۔ایسے شاعر دا ہور کلامآ پیا لے سار میریآ ماہی سانوں درس دکھاآ ماہی میرے رمزاں والےآ میرے بالم تم سنگ ہمنےآ وے پریتم پیارےآ وے پیا سانوں دے وے نظارہ