مرزا صاحباں
Mirza Sahiban
موڑے کون کلام نوں جاں لکھے لکھن ہارعشق گہائے عاشقاں کر کے چشماں چارناوک وگن زہر دے دُسر جاون سارہِک سہکن ہِک تڑپھدے لنگھ پئے ہِک ہارعاشق مِثل پتنگ دے سڑین تاوڑی مارلگا کرم نخاس جیوں عشقے دا بازاربرہوں ڈبایا سوہنیے ادھکڑے وچارسسی کتھے لِٹدی جنگل وچ اجاڑبائیے، لیلاں، ہیر نوں سَنے جلالی چاردَھر کے سُولی عِشقدی چاڑھے وارو وارمرزے تائیں چھڈ لئیں گِلیں ککھیں ساڑکھارے چڑھدی صاحباں ٹھگ کھڑی وچ بارداج دِتا مِل ماہنیاں صاحباں دے پروارناوک تیراں برچھیاں تیغاں دی چھمکاردفتر واچے درد دے رانجھے برخوردارقصے کردا عاشقاں گل رہے سنسار
اِکدن سیر کریندیاں راوی والے دیسمہری داناں باد دی بھوندی پِھرے بدیسآپناں آپ چھپا لیا کر فقراں دا ویسباہجھوں حکم خدا دیوں اوہدی کاری کون کریس
مہری داناں باد دی کُوکے وانگ کلنگلڑکا سی وِچ شکم دے سُکا ہویا کرنگدُکھوں سُکھ وکھاؤندا لا کے گُوڑھے رنگ
خبراں دانا باد نوں آیا اک جوانسلیمان دا لاڈلا نوشوہ سخی جوانخبر جیہدی چار کُوٹ عالی جس دا شانچھٹا دِتا عِشقدا وِچ زمین آسمانرنگن چاڑھی عِشقدی بیٹھا کر سمیانپہلے بوڑے عِشقدے رنگیا پاک رحمانبولن طوطے بطخّاں جپن رحمٰن رحمٰنبُھل گئیاں سبھ چالیاں مسجد رہیا قرآنپھوک النبے عِشقدے وتی سر گردان
بھر کٹورا ددھ دا مہری نیویں ہو ٹریخاطر نوشوہ پیر دی جاندی گھڑی گھڑیسُکی ولّ قدیم دی مولا کیتی پھیر ہری
مہری نوں کول بہا کے دتا عشق پِو آفاتحہ آکھیا خیر دا دوویں دست اُٹھااساں منگ لیا حضور توں دِتا آپ خداچن ماہ رمضان دا توں جھولی گھت کِھڈادونہہ نیئیں وچ پاسنے دیسی دھرت کنباایس مجازوں عِشقدیوں جاسی جان کُہانیلی دا اسوار ہے ریہسی وچ ہوا
جس دن مرزا جمیاں اوہ دن نورو نورزیارت کرن فریشتے جھول کھڈایا حوروالشّمس والضحیٰ ہویا نور ظہورقالو بلیٰ کر جاننا کیتا رب مشہورحاصل ہویاں نیکیاں بدیاں ہوئیاں دورمِلی مُبارک عاشقاں جاں گئے معراج حضورآخری عاشق اوس نوں کیتا رب غفور
جس دن مرزا جمیاں پہیڑی اُتے بالگلاں کرے نال عشق دے کرے جواب سوالکم پوے تُدھ نال جے کتھوں کڈھاں بھاللیلاں مجنوں جِتھ گزری اوتھے کیتی جالشیریں تے فرہاد کول کئی لنگھائے سالگھت چنانہویں جھونپڑی کھیوے جھنگ سیال
مائے نی سن میرئیے دس دِلے دی گلدسیں جھب مکان توں مشکل جتھوں حلبازی باجھوں لڑکیاں جُھوٹھے رنگ محل
خادم نوشوہ پیر توں مُڈھ قدیمی پیرآہئیں اندر شکم دے آن پِوایا شِیرمن لے سچے رب نوں روشن بدر منیر
منگن آیا منگتا ہور نہ منگاں مولتیری پاک جناب وچ ہر دم عشق وصوللج رکھیں گل اپنے منگاں نام رسولمیں جیہاں لکھ عاصیاں لُطفوں کر قبول
عشق وہے وِچ چند لے عاشق گُھٹ بھرنبیڑے عشق مجاز دے اس وچ لکھ ترنجھنگ مثال بہشت دے حوراں وار کھڈنپینچھی جیویں جو جھاڑیاں کُھرے عشق پوندِھی کھیوے دی صاحباں حُوراں گُھنڈ کڈھنپریاں پربت سیتنے جٹی دا ویکھ حُسنقد سرُو گل کونج جیوں دُھپّےواہ پونلباں سے جام شراب دا عاشق مست تِھیونخونی نین بِکھاولے بازاں وانگ تکنپاڑن ول ول دِلاں نوں بُکیں رت پیونپِپنیاں تھی ناوکاں ترکش جڈ لٹنرکھ نشانے دِلاں تے کہیاں وانگ ہٹنباہجھوں کجلیوں سُرمیوں انویں گھاء کرننوکاں کڈھن کجلیوں سولی لوک چڑھننین سندورے عِشقدے ہاتھی مست پِھرنشیشہ دیہنہیں ساہمنے لاٹاں حُسن مچنمتّھا بناّ انبر دا جاں پوہ پھٹی چنسر تے بھوچھن کاڈھواں تِلیئر چوگ چگنہوٹھ پاناں تِھیں پتلے دند ا ناراں ونٹھوڈی حلقہ مِیم دا پُرزے ہو چلن
گل چولی چوتار دی جھالر بند کرنچھاتی تختہ سِیم دا دونویں لعل بھکھندُھنی ٹنگُ شرابدی عاشق گھٹ بھرنپٹ دو چنن گیلیاں کھیہہ کھیہہ مُشک چھڑنزہر چڑھائیے زہر تے عاشقاں کیوں جیوَنکستوری دے بھار نوں مرزے لائی سن
کھیوے ماہنی وڑدیاں صورت نظر پئیذات پری دی استری جٹی ہو گئینین شکاری جُھٹلے ویہندیاں جان لئیبھر اکھیں جِت ویکھیا جِندیں کھیت رہی
کایا بنی پلٹّنی وِچ کُٹھیالی ڈھالسَچے وچ سُنیاریاں سوناں پایا گالرکھ دُگرا سان تے کیتی تیز لوہاراکِھیں بِنبل والیاں کہو توں کِت ہنڈاروچ سیّاں دے کھیڈ دی حافظ حسن کمالجٹاں پُھل لپٹیا بھورے پا رومال
ماہنیاں کھرل قدیم تھیں وِدے ساکاں نالمرزا نِکڑا پیار نال پلیا گھر ننھالصورت اتے حُسن دا آہا روپ کمالویکھ سیالیں اوسنوں ہو ہو پون نہال
چڑھی خماری حسن دی ہویا آء جوانخونی نین نشانچی عشق چڑھائے سانچوئین رت کلیجیوں دِل دا گوشت کھانداد سیالاں اوس پاس ہِک آون ہِک جان
صاحباں چوری کھرل ول دِل دی کرے نگاہنین وچولے دوہاں دے دیون گھڑت سناہعشق کمائیے جال مِین ہوون نین گواہککھیں اگ چھپائیے آخر بھڑکے بھاہ
بِرہوں پیائی گھول کے صاحباں پریم جڑیباجھوں مرزے کھرل دے کُوکے سڑی سڑیسُولاں گھٹاں جھڑائیاں لاون نین جھڑیسنجے عشق لا باولی اچن چیت پھڑی
صاحباں چیٹک کھرل دی گُجھے سَلھ دیہیکیہ جاناں کیہ ورتسی کرے اِلہٰ بھئیایہا روز میثاق دی مستک قلم وہیلائیے بازی عشق دی پاسہ کدیں ڈھئی
زُلفاں لائی جا مکی سُر میوں رنجک پاماری مرزے کھرل نوں گئی کلیجہ کھاءلُوہ لیا دِل جٹ دا آہ کریندا آہبھن کلیجہ نکلے نین تفنگ بلاء
دکھ دوَلّیں مورچے کرن لوائی نَیناوس چھتے اوس مینڈیاں اِکو جیہا سَینصاحباں مرزے کھرل دا مار لیا سی پَینسُول آیوس گھٹ بنھ کے نس گئے سُکھ چَین
صاحباں مرزے کھرل دا ہویائی بہت پیارمرزا دیندا پاسنے دو ندیاں وِچکارنیلی آئی زوم تے گاہی سندل بارجنگی لائے کپڑے نالے خوب ہتیھار
مرزا ٹُریا راویوں کر کے پڑھنے دی نِیتپنج روپئے پنج روڑیاں لئی نذر مسِیتصاحباں تے میں پڑھنا پڑھنا تِھیتو تِھیت
مرزا گھروں سوار ہو نانکے تُرے نرولبچہ نیوں سلام کریں مونہہ تھیں مِٹھا بولمِرزے چُمن ماسیاں پانی پِیون گھولکھنڈ ملائی دُدھ دے دین پیالے جھول
ترنجن اندر صاحباں لٹکے وانگ کلیپریاں توشہ پری چھند سیالاں سنگ رلیسرخی غازے پان چوپ خونی رتک ملیچڑھ کے تیرنگاہ دا مارن ہار کھلیمرزے نیلی ساہمنے ایسے راہ ٹھلیصاحباں چھڈ سیالیں یار دے استقبال کھلیہست دِلاں وچ پیلیا کر کے علی علینین مِلے گل لگ کے کھنڈے کِھیر رلی
کاج دھوناں میں پھراں ، مینوں کِسے دے کاجاں نالچڑھدے مِرزے خان نوں ، متاں دیوے ماںبُرے سیالاں دے معاملے ، بُری سیالاں دی راہبُریاں سیالاں دیاں عورتاں ، لیندیِاں جادُو پاکڈھ کلیجہ کھاند یِاں ، میرے جھاٹے تیل نہ پا
صاحباں آکھے مِرزیا مرنوں بے پرواہوانگوں نال جو لانہہ دے کِھن آویں کِھن جاسے ڈاراں وچ تُدھ نوں بُھلدا ناہیں راہمشکل ایتھے پاونا مُونہہ دے وچ گراہ
جب لگ تند پریم دی ولی ایہے ول نالاک جاگہ وچ اساں نوں ٹِکنا بہت محالسجّے کھبّے جھات پا ویکھاں تساں جمالتانا پیٹا اساں دا ویکھو سارا بھال
مرزا پِچھا اساں دا بھلا کریں دئیں چھڈمارے مت شمیر تیں وانگ نشانے گڈجان سلامت لوڑنا نیہہ نہ گھتے حدبِرہوں اساں پھہایا زلُفاں پھاہی اڈ
مرنوں ڈرن محبتِیے عشق لُکاون ننگسڑ دا تاوڑی مار دا اُتے شمع پتنگجیوں شہیداں کربلا عاشق ویکھن جنگکچّی پوے مہاستی سڑنوں موڑے انگ
خوفوں دیہی سوزشوں کریو وانگ کبابکِچرک منہ چھپائیے مستی وانگ شرابمیانے لُوتی لاء کے مت مینوں کرن خرابماتر کپاتر ماؤ کھڑنت میرے بھاء عذاب
جد نیلی تُوں پِیڑ کے جاسیں اڈّی لاءتیرے دیسن میہنے مینوں سیخاں تاءجِند وڑے نہ نِکلے مشکل میرے بھاءمِیٹے کون کلام نوں جاں لِکھے آپ خدا
جیون سُفنا دینہہ دا دم دا ناہ وساہچڑھ مِیٹے سِر عشقدے ہو وے جگ گواہلیلا، سسی، ہیر نوں پئی ہووے واہ واہرب اگے ہتھ جوڑئیے لائی کرے نباہ
کُفر ایہہ ہے وِچ عشق دے قولیں گھتّن بھنگاُدھل جان سوانیاں نانک دادک ننگعاشق میہنے گال تھیں مُول نہ رہندے سنگتیرے توں سِر گھولیا جیویں چراغ پتنگ
سولھیں تن اچوٹئیے اکھیں ویہسن نِیرچہریوں ہبے نورانکی پِنجر وانگ سرِیربرہوں کِھلے تائیکے دھروس وانگ کرِیرگُجھے گھاہ پریم دے بند بند اُٹھس پِیڑ
چُھٹّن ناہیں حافظا اس برہو ں دے ڈنگاندر وار رچانوندی کھاندی اے ایہہ انگعاشق سُولی چڑھن تھیں مُول نہ ریہندے سنگمرنا سرنا سہل ہے عشق نہ لگے ننگ
کھاون پیون مجلساں بُھل گئی سبھ جاجِس ترنجن صاحباں کوئی نقار وجاگھٹ کٹ کیتا کند لے بِرہوں دے کے تاکون بُجھائے حافظا جاں اگ لگے دریا
اتن کتن بُھل گیا رچیا عشق ہفِیمسِکن سُول فراق بّنھ دھکی صفاں غنیمپانی اندر لون وانگ گُھل گُھل پئے سقیمپیا وچھوڑا یار دا کلوتر دو نیم
چلن سُن کے صاحباں چھتے کُھتے پٹترسن نین پنیر جیوں رووے نِیر پلٹاندر وڑے تے نکلے بیٹھ نہ ہَنگے جھٹدم دم سّیلاں مار دا اِس برہوں دا پھٹ
وِدیا کر کے چلیا صاحباں مرن کنارجِند وڑے نہ نکلے ادھکڑے وِچکارلاہو لتھی صاحباں نہ اورار نہ پارزہر وچھوڑے اجدّے بند بند ترُٹن ہاردتی آہی صاحباں کجلے دی کڈھ دھارلٹکے جیویں سپولیے صندل نوں چک مارکندھاں وِچوں نکلے بِشئیر وار و وارورق اتے رخساریاں الف پایا ستکارہنجوں وگن صاحباں جیؤں موتی ترُٹن ہارگھٹ بدّل دی وس گئی نِکی پَوے پھہارپھل رخسار گلاب دے ہوئے زرد وسارسوکھا درد فراق دا منجی پئی بیمار
چند چھٹاویں صاحباں راوی بیٹھا جابلدی چِکھا فراق دی مرزے سُرت نہ کاروون چھکن سُول غم خادم گھلے جاخدمت کرئیے اوسدی گھر وچ آن بہا
کرے اوہناں دی بھل بھل ناٹھی گھلے یاربھوجن کر دی جِند دا اگے رکھن ہارمیں نوں سِیخاں بُھن کے کرے کباب تیارپانی دیون صراحیاں دیوے وار و وار
سندھے لگے حافظا ایس وچھوڑے پھلمویاں پِٹنا ہِک وار اسدا ہر دم سَلھتاء نہ حد فراق تھیں اگ لگے جیوں جھلنیندر بُھکھ نہ عاشقاں عشق بیٹھا کھٹ مل
رتاں رُنی صاحباں لعلاں ٹُٹا ہارگود بھرے سے روندیاں ترٹن پھل انارہنجوں وگن صاحباں تِل پُھل جھڑے اناروائدا ناہیں ماپیاں خبر نہ مرزے یار
صاحباں دیون بتیاں نک دے وِچ دُھکھاباجھ وصال نہ نکلے بِرھوں جِن بلاءوَید کہن سودا ہے آکھن اِین نہ کاسُڈھ اجوائن کُٹ کے گھوٹیا دین بناصاحباں کُٹھی عِشقدی ویداں خبر نہ کانِیم طبیب ایہہ حافظا عزرائیل سَنانیم مُلاں نہ چھیڑئیے کر سلام اس جامت کہہ کے کلمہ کُفر دا چھڈے ایمان گوا
ساہا کڈھایا پنڈتاں پتری ویکھ اتوارمُہت سفر دی ڈِٹھیاں ڈُھکن منگلوارساہا کھورا نِکلیا کیتی پوسی بھارجرِیاں سبھ نحُوستاں رھسن نہ وِچکار
ویکھا ساہا پہر نوں روشن چن کلنگجل و نجی اے صاحباں جیویں چراغ پتنگسُن کے گلّاں صاحباں بھنے چُوڑی ونگپر موت نہ ڈِھئیے عاشقاں کل ملے یا منگ
لَے گنڈھیں گھر آگیا خان طاہر دا بھٹبہہ پچھاویں کھولیاں رُنی سارا جھٹپَٹ پَٹ کڈھاں میڈھیاں دے چیچی دا وٹلوکیں روندے اتھروں صاحباں روندی رتریتوں کوٹ اُسرے کُوڑ نہ ہوندے ستمردی کلمہ نہ بھراں ہور قبولاں جٹ
نین بدوقاں کس کے اگ پریم دی لاءزُلفاں دی کر جا مکی جا کھلاری داتک نشانہ کھرل نوں دِتی کلا جگاہوئےزخم از غیب دے کوئی نہیں دوااٹھ وے کرمُوں باہمناں لے سنیہڑا جاآکھیں مرزے کھرل نوں کدی سیالیں آلگا طمانچہ عشق دا رہ گئی خبر نہ کاآہرن ہوئی آں پھاڑِیاں کھلاں مِل گئے تاروندیاں نیر نکُھٹیا لیندی اُبھڑے ساہ
کندھیں سَنّھ کے صاحباں لکھیا مرزے ولجی ایہہ ورتن ہار ہے میں تتی دے جھلقول اساں جو ماریا ہتھاں تے ہتھ ملآپنے مُونہہ دا بولیا توڑ نباہیں ملساون رُت سہاونی سدا سُہاوی ولبھوراں پُھلاں دوستی لگی رنگ محلپُھل سُکے بھور اُڈ گئے رہی نمانی ولترلے لیندا جیوڑا سکدا تیرے ولمیرا ترلے لیندا جیؤڑا سِکدا تیرے ولجے تُدھ آپ نہیں آونا ساڈا لکھیا گھل
بولی دی لج رکھنی تُدھ چواندی پگکھانی اُتے قسم ہی اٹھ اُساں ول وگمیرے تیرے نیہہ دی خبر انسئ سبھ جگویلا ای ہُن پہنچ توں وچھڑ جائے سگ
واسطہ ای کرمُوں جدّ دا دانا باد جا ہُنمیں کر تُخم اصیل دا یاری لائی چُنستر پئی نوں چھوڑ گیوں دیہی لا گیوں گُھنبھلکے چندھڑاں آونا کنیں لیسیں سُن
چَھٹی مرزے یار دی پسلیاں نوں سولہانہہ کلیجہ بُکیاں تریوے تھوک رنجولضامن دِتا ای رب نوں شاہد کول رسولحافظ جِس کس عشقدی پِھر دے سدا رنجول
گُھرے دمامے عشق دے مارُو وجے ڈَوںآہرن ہوئیاں پھاڑیاں کھلاں دِتیاں دَھوںگھلیا کیہڑے کم نوں راوی بیٹھوں رَوںکھوپے چڑھ گئے غرض دےگیوں دلیلوں بھوںیاد قرار مسیت دا راوی سُکھ نہ سوںواسا کِھیوے شہر دا جِس دروازے نَوں
نہیں کوئی ثانی کھرل دا وچ دنیا تے دینکھرل جیہا نہیں دِسدا دوویں جہان ڈھونڈِینگھت مینوں وِچ کھرل دے کیتا چا مہینہڈِیاں ناڑِیں پِنجرا خاکو وانگ دسِینسر پر میتھے آوناں پکا صدق یقینخاک میری ان بھوندڑی رل جائے نال زمیناڈ جاں دانا باد نوں اکھیوں یار دسِین
کِکر پُھلّے ڈیک دے جنڈِیں لگا بُورتیرا عشق قبولیا ساڈا کر منظوربیڑے چڑھنا عشقدے لنگھنا پہلے پُوربھاڑا منگن پاتنی پلّے نہیں محصول
ویہن جھلاراں ڈیک دے عشقے پَین نگالکندھ دا ویری کلرا مچھی ویری جالمچھی نِیر نہ وِسرے توڑے سٹے بالیار یاراں نہیں بُھلدے دودھڑ کرئیے چار
اٹھ بہو دادا باہمنا آویں میرے کامدُدّھ پویساں گھیو دا سونا کرساں دانگھوڑا دیساں چڑھن نُوں کاٹھی سَنے لگامجاں جاں جِیواں صاحباں کھاوِیں پیا انعامجے کمّی ایں جدّ دا مرزا ایتھے آن
لکھوں کڈھیاں بُتیاں ایہہ نہ کڈھی جاءخان کھیوے دی بیٹڑی آندا غرض نواچھوڑ پُرانی دوستی نوِیں کِتے ول لانِکیاں ہوندیاں دوستی منوں چھڈی اوس لاہ
کلمہ لِکھن والیا لکھ عشقے دی گلکلمیوں عِشق اگیترا معرفت جیں ولبتاں بن گئیاں ڈھیریاں بیٹھی مرزا مَلمرزا تے میں پینگھ تے وِچ کُڑتی دی ٹھلجُھوٹے دین سہلیاں اِکدُوجی دے ولٹُٹّی پِینگھ ہُلاریوں رب نہ بھانی گلمیری پھتو قاضیا مسئلے ورگی گلآپے کم وگاڑیا بیٹھی راوی گھللِکھ رہی میں کتاب تے رہی سُنیہڑے گھلنہیوں سیالیں آونا آکھ زبانی گھل
بس کر نڈھیے صاحباں تُوں نہ وین الاءکِھیوے مہر شمیر دے متھے داغ نہ لاچندھڑ آوسن جنج کر بُوہے بہسن آمُلاں تیری جدّ دا میری من دُعاہن کیہ کرئیے حافظا ڈھاہ لگی دریا
سُولاں دے مُونہہ صاحباں جیوں لوہے نُوں تاءستر پئی نُوں چھوڑ گیا ضامن سوء خداخط لکھوایا صاحباں مُتا مرزے دانُور محمد لِکھیا بہوں سلام دُعاستھر جوگن کر گیا نِج محبتاں لاتوبہ تیرے عشق توں وت نہ لیساں نا
صاحباں کرمُوں ٹوریا دیندی لِکھ پیغامتیرے باجھوں مرزیا کِھیوا شہر وراناتن پئیاں پُونیاں مسجد رہیا قرآنعاشق نہیں کوئی آکھدا کرے پیاری جان
رات چِٹی رَڑھ چاننی چوراں وٹ لئی چُپتیرے میرے عِشق دی کوئی نہ رہے گی لُکپانی باجھ برُوٹیاں سبھے گئیاں سُککنیں بنُدے سِر مینڈھیاں کِھتیاں سندے جُٹلے چل دانا باد نُوں جان تگادے مُک
چھپڑ ئیے چوگُِھٹیے تیں وچ پانی نِتمیرے سجن آوندے گئے گھراں دے چِتمویاں پِٹنا اک دیہوں عشق سیاپا نِتنکِیاں ہوندیاں پٹیاں لاہی دِلاں دی سِک
سئیاں دے وچ صاحباں دسدی لالو لالحُور پری لا باولی چلّے چال سیالنک سُنہری نگ جیوں بلدی شمع مشالاِندر پُوری دی لوہنی حال او خانا حال
بُھلی وتنی ایں صاحباں بیٹھی بروہاں ملمرن چکور اُتاولے کیہ پرواہ سَے چنبے پرواہی کھرل دی چاہے سِر تے جھلنِکیاں ہوندیاں دوستی منوں وساری گل
کاتی وانگ خلیل دے کرمُوں دست پھڑیلائی دیہی کھرل دی دُکھاں نال بھریجِند قالب نوں چھڈ گئی انحد جا وڑیخبر ہوئی جبرِیل نوں جاندی جِند پھڑی
مندری سلیمان دی بخش ہوئی بلقیسسَے ورھیاں رُوح قالبوں پیا قدرت نال دسیسجٹی گئی وِچ فلک دے دانا باد دسیںجُھک پئی وِچ سجود دے جاتی حق تحقیق
پڑھ کے خط محبوب دا مُہت نہ ڈِٹھا وارمتھے آہیاں جوگنیں ہویا اوہ ہشیاررن مِلی اوس چڑھدیاں شگن ہویا بُریارعاشق ڈرن نہ موت تھیں ورتی ورتن ہارپوہتا خط معشوق دا وِسر گیا گھر بارکپڑے مِلے نہیں پہننے نہیں لینے ہتھیارنِیلی آندی زِین کر تُرت ہویا اسوارچودھری دانا باد دا کِھیوے طرف تیارخرچ جیہدا سی نِت دا اِک لکھ چوی ہزارسر پر کِھیوے جاوناصاحباں نال قرار
سُتا مرزا اُٹھیا کیتا یاد خداحُکم کیتا نفر نوں پانی گرم کرانہاتا گھڑی پلٹ کے کعبے سِیس نواپہنے زری تے بافتے بند رہے جڑلادیس سیالاں ٹُر پیا خواجہ پیر مناڈیگر راہی ہوونا پونا لمے راہایہہ نقارے کُوچ دے کیتی گئے وجا
چڑھدے مرزے خان نوں متیں دۓ کھلیجِت ول لائیے دوستی جائیے نہ اوس گلیتپ کڑاہ گئے تیل دے تُوں نہ لت دھریہاتھی عشق سندُھوریا کردا علی علیدوہاں پڑاں وچ آئیکے ہوندائیں ذری ذری
چکی پھر دی ویکھ کے نانک دِتا رودونہہ پُڑاں وچ آن کے خالی گیا نہ کومانی دے گل لگیاں اللہ کرے سو ہو
چڑھدے مرزے خان نوں ماں کرے فریادکِھیوے ٹُریائیں بچّیا مینوں کر بربادرہو اکِھیں دے ساہمنے اندر دانا بادپچھا دے جائیں مرزیا ڈاھڈی سِک اولاد
ترُت جواب سُناؤندا کر کے ادب آدابرکھ مائے دِل حوصلہ آواں دوڑ شتابپہر چوتھے نوں آؤ ساں نہ کر جی خرابہجر صاحباں دے ساڑیا میرا جگر کباب
چڑھدے مرزے خان نوں ماں مریندی سدمرزا پُتر نونہہ صاحباں مینوں سوبھا جگاکے نہ چاڑھیں بیل تے اکے نہ آویں چھڈپِچھے پئیاں نوں چھوڑ کے دارے بہن نلجدیکھ تماشہ حافظا مکیوں پرانہہ نہ حجبرچھی لگی عشق دی رہیا نہ گوڈا ہڈپڑھ لے کلمہ دِین دا بانہہ پھڑی دی لج
بھین اُٹھی لڑ چمبڑی توں سُن ویر بھراجامہ تیرے کاج دا رکھیا خوب رنگازریں جامہ پہن کے گلیئں لٹک وکھالونگ تے کیسر گھول کے کیتے سبھ چھنکاواسطہ گھتوں رب دا کھیوے شہر نہ جا
بھین اُٹھی لڑ چمبڑی توں مینوں کِتے لڑ لامیں صاحباں جیہیاں رانیاں لکھ دیساں پرناہآوسن لے جاوسن کھڑن ڈولی وچ پاڈھونڈن دارے بیٹھکاں کِتھ کھرلاں دا شاہواسطہ گھتنی آں رب دا اجوکا وار کُھنجاجیویں شہیداں کربلا کھیوا ساڈے جا
مندا کیتا ای چھتیے کیتی اے گل بُریعشق نہیں کجھ جاندا وگیا کر کُھریسر پر سیالِیں جاونا توڑے پیٹ چُھری
سُتی سُفنا واچیا سُفنا بُری بلاتھم کڑکا ماریو محل ڈِگا گرڑابالا چھجہ جھڑ پیا جس تے لئیں ہواہتھ اٹیرن رنگلا گِن گِن اٹیاں لاہُبھورا جیہا اک جھوٹڑا سیالاں کُٹھا جابوٹی بوٹی کرلئی لئے کباب بناُمٹھی مِیٹ کے بہہ گئی لیندی اُبھے ساہکوئی مسافر مر گیا کِسے نہ ماری ڈھاہکالی جیہی اک استری کھلی سرہاندی آواسطہ گھتاں رب دا کِھیوے شہر نہ جا
چڑھدے مرزے خان نوں ونجھل دیندا متبھٹھ رنّاں دی دوستی کُھریں جیہناں دی متہس کے لاون یاریاں روکے دیون دسلکِھیں ہتھ نہ آوندی دانشمنداں دی متجھلیں چلدے شیر نوں کسے نہ ماری نتھہتھیں یار کوہاندِیاں دے چھاتی تے لتریتوں کوٹ نہیں اُسرے کُوڑ نہ ہُندے سچ
بھائی آیا چل کے عرض بھرا دی منجگرا چلیائیں کپ کے سانجھاں چلیائیں بھننہ بھائی نہ ماڑئیے نہ پردیس وچھنجدھے پِچھے ٹُر چلیائیں کون سیالیں رن
توں مرزا میں سر جا جوڑی بھنگ نہ پابھنگاں راتیں ورہے دیاں دِتیاں سبھ اڈاواسطہ گھتاں رب دا اجوکا وار گُھساصاحباں جیہیاں رانیاں لکھ دیساں پرناہ
سرجا ساہیا کیوں کھلائیں توں ہو کے دِلگیرقاضی وِچھڑ ٹُر پیا میرا نِکڑا وِیرویکھ کتاب تفسیر دی دس مینوں تدبیربھنی ڈِٹھی مٹکی ڈُھلی ڈِٹھی کھیرریہندا ای تے رکھ لے بھلکے وار بھلیرا ویر
ِکھڑیا باغ کشمیر تھیں ہُل سیالو ہُلچنوں آہی چودھویں جٹی جمی گُلناں رکھیو نیں صاحباں جیوں سوسن دا ُپھلوست بازار دی حافظا مرزے لئی امُل
میں جاندے نہیں ہوڑدی مدد ہون پیرسودے کیتے من وچ دھر کے نین وکیلوحی وگائیاں کانیاں عزرائیل زنجیربھیناں اوہ نہیں جیوندیاں وِچھڑے جیہناں دے ویردے کے کنڈ تُوں ٹُرپیوں لا کلیجے تیرجیوں جیوں تِیر رڑ کدے ہوندی کلیجے پیڑتریوے راضی رکھنے عاشق بھور فقیرلنب عشقدی نکلی سڑ گئے جنڈ کرِیراوکھے ویلے سیویا حافظا چشتی پیرمیلیں ماواں بچڑے بھیناں میلیں ویر
مرزا پُچھدا حافظا کیوں کھلائیں دلگیرچنے نی آہمو ساہمنے کانجن سِدھی پیرکانجن وِدھا مکڑے مکڑے ونھ گیا تیربھرونی وچاری کیہ کر ے دُھنّی وگدا تیرکُبے بوڑئیے اِنج ملدے جیوں بھیناں نوں ویروساواں کھیڑاں انج لیندا انھے پھرن بصیردانداں گل پنجالیاں شیراں گل زنجیرلٹھ پرانے لِٹڈی جیوں سئیاں وچ ہیرونگاں ڈِنگ پڑنگیاں سِدھے ہے نی تیرٹِنڈاں ماہل اریڑیاں ندئیں ویہندے نیر
نچھ نہیں آئی مننی مولا من رضادانا بادوں ٹُر پیا رہے بھرا بھواواسطہ گھتوں رب دا واگاں پِچھاں بھواجے نصیباں جمیاں پرت گھراں ول آ
کس زمانے کوپری قبراں وچ پئیلیکھ متھے دا ویکھ کے پیلو پکڑ لئیوال بُھرے دند اُکھڑے مُکھ زبان گئیپیلو کول نہ حافظا لکھیا کیہ وحی
راہیا راہ ول جاندیا میری سُنیں کھلومیں سُوہا نہیں بار دا ریہندا کِتنے کوہشہر کِھیوے دے جاونا ستویں وار دا ڈھوسِراں دھڑاں دِیاں بازِیاں جیہڑی کرے سو ہو
سُن لے خانا مرزیا ہویائیں وڈا دلیرگھر ونجھل دے جمیاں تینوں پینڈا ڈھیرسدّا ہویا توڑ دا لکھیا نکھیڑ
چڑھو جھڑیندے دسئے گھوڑے منکُھ جوانچہوں طرفاں رات جنج ڈھکے طاہر خانریشم دیاں دو بُندیاں سانگیں سانگ پکھانواؤ وانگ سرنگ ہے اوہ دن پنج کلیانویکھ تماشا حافظا کلمہ پڑھے زبان
چابک ماریائی وٹ کے جد نوں لائی آ لاجحُور ساں وچ فرشتیاں پے گئی تیرے داجمُونہہ کڑیالا جھلیا کیتی رزق متھاجچڑھیں توں میری پِٹھ تے کرنے ایڈے لاڈوچ اُجاڑ دے ماریوں تڑ پھڑ کر ے کباب
لے حقیقت یار دی آئی تیرے ولنہیں کوئی شوق شکار دا نہیں کوئی دُوجی گلواسطہ گھتنی اوں رب دا کِھیوے ماہنی چل
ُتوں نہ روویں نیلیے توں کیہ رونے نالمیں فرزنداں پالیوں مُونہہ نہ کڈھی گالگھت کے بھورے پالیوں ترِیہہ کھانے اک تھال
پنجے پتر خان دے طبع پنجاں دی ہورچونہوں توں میں نکڑا واگ پلمدی ڈورمنگُو چُگدے ڈیک تے ڈُھک نہ سکدے چورمیں راہ ماراں بادشاہاں سر تے تخت لاہورچارے گُٹھاں گھالیاں شکر وانگر بھورکوٹ بھڑیساں ٹکریں کھرل کریسن زورچدھڑ بھین لوڑِیوندے جنج گھراں ول موڑجاں سر میرا مونڈھیاں پرناہویں کیں ہورویکھ تماشا حافظا بُت اُڈِیکے گور
رل مہاجن بیٹھ کے شاہو کار کراڑآگئے پئے آکھدے گدڑاں دے بھتیاریُدھ پوسی گھر کھیوے دے ہوسی جٹ خوارچڑھ چبارے ویکھساں گےچلسی جد تلوار
نیلی صحن لنگھائی چا آن لگائی تھانپہن اگاڑ پچھاڑیاں لگ پئی راتب کھانمرزے کلی ٹنگیا ترکش تیر کمانجلد اسباب اُتاریا موسم سخت پچھانمرزے قاصد بھیجا لڑکا ویکھ ندانلڑکا کہندا حال جیوں کردا میر کلانکنَّیں سُن لیا صاحباں لُوں لُوں پِے گئی جانہندو آکھو رام اتے کلمہ مسلمان
خط لکھنی ایں بھج کے بُوہے بیٹھا ای آپندھ ساندل دا چیریا خوف خطر دا راہبدھا تیرے قول دا موتوں بے پرواہگھلی آگئی یار دی مونہوں آکھ سنا
آدر سوہنے یار دی ہُن میں کیہ کراںتھال بھراں چُگ موتیاں اُتے نین دھراںبہواں جا وچ جٹھانیاں اوتھے سگن کراںمیں مرزے دی ووہٹڑی مکے حج کراںبکرا دیساں پیر دا دانا باد وڑاں
مِل گئی بانگ رسول دی کن آواز پیاکلمہ پڑھیو مومنو دِل تھیں کفر گیامرزا پُھل گلاب دا جھولی آن پیاکر بسم اللّہ سُنگھیا لُوں لُوں دھا گیاچیرے والا چھوکرا اندر کون کھلاہاں کلیجہ بُکیاں میرا کڈھ گیامیں جاتا جٹ پھٹیا مینوں پھٹ گیاپھٹ ازغیب دے حافظا کون علاج دوا
سدّے آ گئے یار دے مُول نہ کیتی نانہہجھنڈا پاک رسول دا اُمّت مانے چھاںتُلہ بنّھ کے ٹِھلّھ پئی اوہدی رکھ پناہاوسے پار لنگھاونا میں وچ سو گناہوچ چناہویں ڈُبیاں اوسے پھڑنی بانہاںکلّر دے وچ کُھوہڑا نہیں لج بوکا لاںتریہہ ورن دی صاحباں نپ کے بہہ گئی بانہاںپنج کُھلیاں ترے رہ گئیاں پُنّے ساہ نیاں
مرزے بلا لئی صاحباں آ بہہ میرے کولاتِھڑ رکھ لئیں یاریاں قائم رکھ لئیں بوللائی آہی چُھپ کے جگّیں وج گئے ڈھولدانا باد جے چلنائیں ہتھوں گانا کھولہتّھیں مہندی رانگلی لائی اے سئیاں گھول
بیبو پئی آکھدی تُوں سُن میری گلایسے گلوں ماہنیاں گنڈھ نہ تیرے ولنظریں پئے شمیر دی تیری ڈول شکلدا لگیاں وڈّھ چھڈّن گے لاہُسن نی کھل
صاحباں آئی چل کے آئی میلے ویسجٹ دے وٹ سریر نوں پُٹھی کوہیسنین خونامی بھچھ کے ول ول پیا مریسآگئے وچ سجود دے صندل بِھنّے کیس
چل کے آیا راویوں پندھ میں آیا چیررب دا رکھ کے آسرا ماسی ونڈسی پیڑاوڑھنی دِتّی سیون نوں لگی کرن لنگیرسہتی دی مہربانگی رانجھا لے گیا ہیر
چھوٹا دِسنائیں ہان دا گلّاں کرنائیں ڈھیرسیالیں بُندیاں والیاں نینِیں لینائیں گھیرواسا گھر مترئی دے پاء توں منگدی سیرپُونیاں دیندی تھوڑیاں سُوتر منگدی ڈھیرلے چل دانا باد نوں اگلا پندھ نبیڑویکھ تماشہ حافظا دنیا نُوں چا چھیڑ
نیلی جیہی دُنبلی آندی ٹِلیؤں ٹورگھر نہیں سائی باپ دے منگ لیاویں ہورنہیں دوبیلا کڈھدی پِٹھ نہیں ایہدی زورخان کِھیوے دے جھانجھرے سارے راتب خوربھجیاں جان نہیں دیوندے اُدھل گئیاں دے چورویکھ تماشہ حافظا بُت اُڈیکے گور
نیلی ویکھ نہ دنبلی جھورے جی نہ پاڈر دے دھرتی پکھنوں چوگ نہ چُگدے آہرن مریندی چل کے سیئڑ سُنب رلادونہہ نیئیں دا کھٹیا نیلی چھڈیا پاچڑھنائیں اپنے شوق نوں نیلی نِند نہ جاپتے نیلی دے لئیں کدی سجی ٹنگ ولاچڑھیں توں پِٹھ تے آء دئی دانا باد دکھا
بخشی اکبر باتشاہ کاٹھی سنیں لگامکن قلماں لِنگ تھمیاں پُوشل دھرت میانجیویں براق رسول دا نیلی اوس اَڈاناوڑک اوہ کجھ ہوسیا کلمہ پڑھے زبان
مرزا پہنچیا اوٹ تے نال جو کیتا یارخبراں مُطرب زادیاں جو سن وچ ویہارخبر سُنی جد صاحباں تہہ کیتی بنھ سارجاندی کِسے نہ ڈِٹھی آ آہی رات غبار
سِر توں ول وِنگ لاہ کے دیکھے پیا ہنجارمَولی کڈھ کے گھتیا گل نیلی دے ہارصاحباں دا چولا ویکھ کے کیتا چا لنگارجُتی جڑی ستاریاں ٹوٹے کیتی چارپئے نائی نُوں چھڈ کے ہو ٹُریا اسوارنائی نُوں پوندے پولرڑے جیوں نار بدکار
مرزے تد شہباز وانگ کِیتا آہا جھٹپھڑ بانہوں لئیْ صاحباں نیلی پچھے گھتصاحباں پچھے خوف تھیں رووے نِیر پلٹخبر ہوسی جد ماہنیاں ملسن واگاں گھت
نال نماشاں دُھولکاں مرزے گھت لئی بیلپِڑے پڑوٹے رہ گئے جھانجھر سنے حمیلکُپی ٹنگی رہ گئی جِس وچ عطر پھلیلتھالی وٹنا رہ گیا بوہے کِھیوے دے میل
عشق بھلیرا پاتنی نہ لنگھائے گھاتاوتھے بیڑا ٹِھلیاجاون جتھے پاتبُھکھ نہ ڈھونڈے لذتاں عشق نہ پُچھے ذاتترُٹھا جِند کوہائیندا بِرہوں دی اوہ رات
کھارے چڑھدی صاحباں کھرل کھڑیسی لاہنیلی دیندی چُنگیاں رکھے مساں وساہبھوندے رہسی آس پاس موت پوائیں گاہحافظ نیلی دوس کُجھ نہ کُجھ اوس گناہ
دس کھاں چچ ونوٹیا وچ تیرے کنگُو بیربھوچھن دا لڑ اڑ گیا قسمت دے وِچ پھیراڑیائی تے ریہن دے بھوچھن اگانہہ وی ڈھیرچلئے دانا باد نوں اگلا پندھ نبیڑ
شیریں غم فرہاد دا ہوئی ذری ذریلوکاں شغل ویاہ دا قہر نوں جِند پھڑیاک صاحباں دو بیڑیاں کیہڑی پیر کریدوویں آہمو ساہمنے بھنّے کون اڑیکرو دعا سہلیو مرزے بیل چڑھیبکرا دیساں پِیر دا داناں باد وڑی
رات چنے دی چاننی چوراں وٹ لئی چُپتیرے میرے عشق دی کوئی نہ رہ گئی لُکعشق سُکالے آدمی برف سُکالے رُکھچھاویں بہیے اوس دی ہتھیں لائیے رُکھ
چناں وے تیرا چاننا تاریا وے تیری لورجّ گلّاں نہ کیتیاں ویڑھے وِچ کھلوسجناں کنڈاں دِتیاں نیناں دِتا روواسطہ گھتنی آں ربّ دا نیلی نیڑے ڈھو
اوہ جے دِسدیاں ٹاہلیاں خان کھیوے دے رُکھعشق پنگھوڑا اڈّیا جُھوٹے دیندے دکھسر کلوتر ذکرئیے کیہی وٹی سُو چُپسلیمان نُوں سٹیو تخت توں جاپیا مکھ
ویکھ اوہ دِسدیاں ٹاہلیاں ودھ ودھ ہوئیاں جھنگہیٹھ اوہناں دے تازنی بھور جیہناں دے رنگگھتن نہیں دیندیاں کاٹھیاں لین نہ دیندیاں تنگکھیڈے وچ سہیلیاں دھی راجے دینظر کرے وچ بھوچھناں ہتھ سونے دی ونگ
چٹی چادر ماہنیاں لایائی صاحباں داگجنھاں امید پلاؤ دی تنھاں ہتھ نہ ساگماتم ہوئے مجلسیں بولن رہا نہ واکتایا ڈُوماں اچوی ہتھ نہ لگا لاگ
شہر کھیوے ہے غَلغلہ نِما نِما شورکھارے چڑھدی لے گیا کھرل حرامی چورتربکن نین سوانیاں کُجھ نہ چلدا زورمر مر کے پئے پوندے کھیوے تائیں لور
اکبر جیڈ نہ باتشاہ کھیوے جیڈ ترانکالا کیتا جگ وچ صاحباں کُڑی اجانکُوکاں پاندے نکلے خان اتے سلطانشرم نہ رہندی ماہنیاں جاندا نہ پرتان
چڑھیا مہرکا ماہنیاں ڈھولاں گھتی ڈنڈسَینا دھرت اچھاہیا بارے پیئو گھمنڈلک ترُٹا ڈھول دا مارن پوڑ سمندفوجاں گھٹاں ہنیریاں جیوں ساون دی پھنڈ
سانگاں اوہناں دائینے جھیاں کڈھ وکھانلہو دیاں تریہائیاں لوہا سار پھکانتیغاں سے پرنائیاں اُچھل اُچھل جاننیزے سورج ساہمنے لاٹاں دے جھڑ لان
زوم اتے بلکار دے چڑھیا ہے شہمیرلگی جنگل جھڑی جیوں آہے چودہ ویرخبر ہوندی جد ساہیاں وگدے رتوں نیرمیٹے کون کلام نوں لِکھے آپ قدیر
مرزا تھکا رات دا جُوہے لتھا آسارا پاسہ جِت کے آخر ہاریا داکندھی اُتے آء کے ڈُب جہاج گیاپکی ہوئی داکھ نوں غیبوں گڑا پیا
چکی چُکی آوندا راہ پھدانو کوءنظر پیا اوہ صاحباں سد لیا اوس سوءسُنیہا دئیں شمیر نوں بھائی سُن مکھ ہوءمجھ نہ پاڑن پاڑیا ان ہوون نہ ہوء
راوی سانوں جان دے سے ورھیاں وے جیماہنی مینوں مارسن تینوں ڈِھیسی کیہہعرض منی ناں رب دے لگدی آں تیری دھیاُچا بول نہ ماہنیاں چاچا دِھیرا تھی
کر بسم اللّہ اُتری ہویا اندھیرا دورمرزے مکہ ساہمناجیوں موسیٰ کوہ طُورویکھ تجلٰی جھڑ پیا ہو گئی گل منظورصُورت میرے پیر دی نور ونور ظہورلے جا دانا باد نوں ایہہ گل نہیوں کُوڑ
کل تے نارد جوگیڑے مل کھلوئیے واردُوروں آندا تک لیا نیلی دا اسوارآساں مرزے یار دِیاں ایتھے ای چا مار
کل پئی آکھے ناردا پبے پیر ٹکاطوبیٰ رُکھ بہشت دا ہر بندے دا ساہجَس تے ناواں کھرل دا پَتر گیا کرماپُتر وچُھنا ٹاہلیوں دھرتی لتھا آ
کل پئی آکھے ناردا میتھوں ہو جا دُورکھادے کورو پانڈو میں سے ننگھائے پُوراگے حسنؑ حسینؑ دا پایا بھیڑ ضرورلے جا دانا باد نوں ایہہ گل نہیوں کُوڑ
سُن جنڈُوریا بار دیا میرا کریں نیاںپھلیوں دُگنا چوگنا ٹھنڈی مانی چھاں
میں جنڈُورا بار دا کلّر دے وچ واسکول نہیں کوئی رُکھڑا ریہندا جی اُداسمیرا بھی دِل چاہوندا رہوے ہمارے پاسبھائی کنڈ نہ ویکھدے صدقے لیندی ساس
ہیٹھ جنڈُورے بیٹھیے ووہٹڑیاں دا ویسآئی ایں کیہڑے ملک توں جانائیں کیہڑے دیسہتھیں مہندی رانگلی گل وچ کُھلے کیس
بھائی وے چکّی ہاریا راتیں گھت وہیرآکھیں خان شمیر نوں نہ تھیون دِلگیرمیں نہ بُھلی صاحباں بُھلی پھپھی ہیرنانکے گھر دوہترا کھنڈ رلی وچ کھیر
پہل کیتی ہے نال تساں پھپھی ہیر سیالرانجھا تخت ہزاریوں لائیسں جِندے تالماہنیاں مُد قدیم تھیں بھاجی کھرلاں نالمرزا نو شوہ آپنا لدھا ایتھوں بھال
چکی راہڑا جاندیا ونجیں ماہنی والکھرلاں تے اسیں ماہنیاں وِجھ گئے ساکاں نالمیں نہ بُھلی صاحباں بُھلی ہیر سیالدِل دِتا اوس چاک اساں ثانی لدھے بھال
صوبہ ماہنی کُوکیا چڑھ دھنائی بارنَکا مَلو پیادیو بار مَلو اسوارنہ کائی بیڑا پے گیا نہ کائی پے گئی دھاڑمراں تے پہنو ٹوپیاں لاہ چھڈو دستار
نہیں کوئی چِت نہ چیتڑے نہ کوئی سان گماننہ سنّھ لگی موریوں پوڑی نہ پڑسانگصاحباں مرزا لے گیا رکھی چوتھے اسمان
عیب نہیں ایس گل وچ بندی ہویا چورکھنڈ رلی وِچ کھیر دے ویکھو اکھ اگھوڑہوئی سی سو ہوئی اے جُھکھن دیو چھوڑمستک وُڑھی کلام نوں کیہڑا چھڈی موڑ
مرزا کرے ملامتاں صاحباں تائیں جاءکوادو ہون ویہار دے مُورکھ اوہ سدابیلے نوں اگ لائیکے ہتھیں کون بُجھامیہنے سُن کے خبر اوہ ہتھوں مِلسن آ
صاحباں دے نصیحتاں چل اگاہاں تورماہنی طاہر خان مت مِلن مجُوھاں جوڑچوری کر کے نِیر تَر بیٹھ نہ رہندے چورکنڈھے اُتے آئیکے آپنا آپ نہ بوڑ
مِرزا آہا جکڑیا جروانی زنجیرنیلی جاتا ویہہ ملی قادر دی تقدیرمڑ مڑ جھنبے سُنب نوں اکھیں واہے نیرہنکے کرے اشارتاں کنبے پیا سریر
چکی والا وگیا گلاں سُن کُبھیارفوجاں مِل کے ماہنیاں کہیا پاڑے پاراوس جھنگی وچ میں ملی صاحباں سَن یارکہے بھائی شمیر نوں آکھیں ایہہ وِچار
چکی راہڑا جاوندا نظر شمیر پیاویکھ پسندا آدمی نیڑے سد لیاسِر چکی دا بھنّیا پِچھاں نوں پیر پیاویری میرا دِسدا کیہڑے راہ گیا
کھیوے خان شمیر توں سخن اولے نہ بھوراوتھے جاندے میں ڈِٹھے اک بکی دو چورپہنچ پئے گھر آپنے واگ پِچھاں نوں موڑ
ہیٹھ جنڈُورے میں ڈِٹھے اک نیلی دو جیکنّیں بُندے سِر مینڈھیاں سانویں رنگ سہیگل دریائی قیمتی طوطے وانگ ہریچیتے لکی صاحباں جَندر لٹھ چڑھیبھڑک وڑی وِچ بدلاں حُوراں بھین پری
گلاں سُن کے ماہنیاں ہتھوں لگی اگایس کپتی اساں دا کالا کیتا جگویڑھ لئیے اوس جھنگڑی فوجاں کر کے سَگہوش نہ آیا کھرل نوں سِر تے رکھے پگ
ہیٹھ جنڈُورے سیں رہیائیں لال دوشالا تانوحی وگائیاں کانیاں موت نہیں دیندی جانکھریوں کڑکی بدلی سِر تے لتھی آنویکھ تماشہ حافظا کلمہ پڑھے زبان
طوطے بولن بار دے ونِیں جھنگارن مورپہتا ساتھ لٹاؤندا دانا باد دے اورعاشقاں دے گل جیوری لاٹو دے گل ڈورشیر نہ اُٹھدے مار توں سانگاں پَین کروڑتینوں چڑھ گئیاں نِیندراں سانوں خطرے ہور
الف اللّہ نوں یاد کر ب ول کر دھیانب ت سچے رب دی سچے دا فرماناگے دال تے ذال دا لکھیا وچ قرآننال ثابتی چلنا مشکل ہون آسان
کُتے خان شمیر دے چھپڑی آن وڑےاکے ڈھنڈاؤ اساں اکے میر شکار چڑھےہیٹھ اوہناں دے کُلِیاں رلیاں کپ رڑےراکھا وچارا کیہ کرے پکی پین گڑے
چڑھیا کٹک سیال دا اگے لگ وحیڈِٹھے سیال میں آؤندے اُگّھڑ نیند گئیبنّھ تقدیر نے ماریا کوئی نہ پیش گئی
صاحباں حُور شعور دی چن سترانے لوواری میریا ترنجنا ہٹ کے رہو کھلوکم لُچٹا پے گیا جو کرے سو ہو
چُن کے تھبیوں کڈھ لیا پھل سنہری تِیراوہ پھڑ چوھنڈیوں ماردا اُڈیا وانگ دھمبیربانہہ کلیجہ بکُیاں وِدّھا گُل سریرویکھ تماشہ حافظا دُنیا نال کیہ سِیر
چُن کے تھبیوں کڈھ لیا پھل سنہری کاناوہ پھڑ چوھنڈیوں مار دا اُڈیا وانگ طوفانبانہہ کلیجہ بکُیاں وِدّھے کل مَکاناوڑک اوہ کُجھ حافظا جانا چھڈ جہان
مِرزے نوں نہ ماریو لئو تسیں میری بانہہحق پچھاتا آپنا کیتا کیہ گنانہہجھگڑاں پاک رسؐول دے قادر کرے نیاںلے چل دانا باد نوں دوہیں جہانیں ناں
بیٹے شاہ علؑی دے حسؑن حسؑین بھرالڑ دے نال یزیدیاں کر دے جنگ بَھلاچُپ کر گئیاں بیبیاں حسؑن حسؑین کُہامنّی رضا پیغمبراں توں وی من رضا
ہوئے سوائے ڈیوڑھے لاگی آ گئے شاہلہنے آگئی دیونی گل پلا مونہہ گھاہلہنا دینا ربّ دا ہس کے دِتا چاہتھوں پتھوں سکھنا پیا کٹک تے دھاشیر پھہایا وِچ پِڑے گل نہ سُجھے کا
عشق بھلیرا پاتنی قتل کریندا چابھر بھر بیڑے ڈوبدا ہاؤاں دے وچ جاعشق حقانی لگیا منّی رب رضاگلّاں کردے او کَچّیاں مینوں خبر نہ کا
مندا کیتوئی صاحباں ترکش ٹنگیوئی جنڈسار ترے سو سٹھ دی دیندا سیالیں ونڈسروں منڈاسا ڈھے پیا ننگی ہو گئی جھنڈباہجھ بھراواں سکیاں کون کجیسی کنڈہوندے بھائی کول سکے پِیڑاں لیندے ونڈ
مِینہہ پئے سے گولیاں تیراں وِدھی چھنبوانگوں امک دریا دے ڈیکاں رُکیاں ہنبجھڑ جھڑ پوندے کندلے جیوں پک ڈِگن انبلکڑیاں دے ڈھیر کر پِچھوں دیون لنب
مومن ساڑو دَھگڑیں کیتا عشق وناہکردا ایڈا نیاؤں اوہ لگدا ایس نہ ڈاہڈکے کوئی نہ ایس نوں قاضی مفتی شاہمت گل پائے اساں دے سِر دے اُتوں لاہ
انت مِرزے دے نانکے ہوئے آن غنیمبھن بھن اندر جنڈ ون کیتے ڈھیر عظیمچِخا بنائی نمرودیاں خاطر ابراہیمساڑ کے مِرزے ٹُرپئے سرکر ٹُرے مہیم
حافظ جیوں نمرود نے چِخا بنائی جاءبِرہوں وانگ خلیل دے باغ کِھڑیائے آءدیون جِند مراد ہے نہ گِن اوہ گناہسِرگیا تے گھولیا عشق کنوں رہ آء
ویکھ کیویں ایس ظُلم نوں مر مر کردی وینکہیا کاج رچایا مَیں تتّی دے سَینناں رل گاویں سوہلے ماہیے پہئے پینسودا کیتا سُکھ نوں اُٹھ ویاجے وَین
نہ میں سِیس گندایا نہ میں مانگ بھریمہندی سہج نہ لائی آ سِر تے نہ دھڑینوشوہ انگ لگایا نہ مَیں جَرم سڑیسہج دی آئی سِرے تے اِک دم ایہہ گھڑی
حافظ رل کے ماہیناں صاحباں کیتا کاجتیغاں تیراں برچھیاں صاحباں دِتا داجمرزا عاشق مار کے پختے کون اناجشہرت روون پُھکنا روغن وِچ بیاج
لائی ہے سی سُکھ نوں دُکھاں خبر نہ کاءقلم وُڑھی تقریر نوں کیہڑا موڑے چاءکیونکر آہی بھکھدی حافظ آکھ سُناءکُڑیاں پینگھاں چاڑھنی ساون باہر جاء
عاشق اتے معشوق تے ظلم کیتا ہے جَٹوَن تِن رُنے پکھنو دِن رات دے اَٹکیڈا پاڑن پاڑیا ایس کِھیوے پِڑ گھتپون پانی ایہہ ظلم سُن وقتوں رہیا ہٹ
ویکھ برہوں دے کارنے راہیں رُنی باردُکھن جِھینگر وناں تے پیلوں دی تِرِمکارپینجھوں وانگوں بُوٹیاں رتوں روون جھاڑجنڈاں لِٹاں کھولیاں ماتم دے کر ہار
بھور قلبوتوں کنبیا ٹُر دے ویکھ سیالپٹ پٹ کڈھے مینڈھیاں دَہیں پالے دالسُکھ نہ سُتی نال وے لائیوں نہ چھاتی نالآء کے نہیوں ویکھنا میں نکرمی حال
تیرے پِچھے تجیا مِرزے دانا بادوچ وناں دے آء کے جان کیتی بربادلا کے پَچھوتاؤنا مُورکھ کر دے یاددُنیا سُپنا رین دا رہندی پلک آباد
ڈُبا چن تاریخ دا مدھم ہو گئی لودونہاں پُڑاں وچ آئیکے خالی رہیا نہ کووین کریساں تُدھ نوں وِچ میدان کھلوسِکدی میری جان دے آخر میلے ہو
جے جانا مر ونجنا کردا کوئی سمیانکھرل کڈھیندا سُورمے اکو جیہے جوانپھڑ کے تیغاں مار دے اکو جیہے جواندیکھ تماشہ حافظا چھڈنا انت جہاں
تیرے پچھے پلہریا میر شمیر بھرابہندی وچ سہیلیاں روندیاں عقل گیاعشق بھلیرا چورٹا لُوں لُوں گیا ای دھا
جا حوالے رب دے توں نباہی توڑلعل کھڑا تا ہار تھیں ہتھیں بیٹھی ٹورمیرا باجھ خداء توں ساتھ نہیں کوئی ہورجاسی کُوک خداءِ تے کیہنوں آکھاں چور
لگّیاں والے کُوکدے بے درداں نوں کیہتوہیں تقویٰ آسرا توہیں رسول نبی﷽ہور رسول وی آکھدے نہیوں وِسدا جیآہندے خالق خلق دا سانوں جھگڑا کیہہ
پنج بُندے ترے والِیاں کنّیں بن کے ٹِھیکماس تِڑکنوں تِڑکیا بیرے چڑھ گئے سِیخگل وِچ دھاگا نظر دا ڈولے نال توِیتمُٹھ کُو ہڈیاں رہ گئی مُندری وِچ عقیق
لگیاں والے کُوکدے کر کے بنڑی جھانگنہ اوہ پتن بیڑِیاں نہ اوہ لگی ٹانگاللّہ ہوسی مہربان حافظا مولا ٹانگ
سلطان بلائی صاحباں ایہہ کیہ کیتی کارگرم رضائیاں چھوڑ کے مَلّی ساندل بارآکھ زبانی صاحباں ماراں کیہڑے تکرار
سُن سُلطاناں قابلا مِرزے توں قربانتوں کیہ جانے جاہلا عِشقے دا قدر بیانجویں صدیقؑ رسولﷺ دا من لیا فرمانسِر اے مرزے یار دا جیہنوں دیوے دان
صاحباں جھٹ جھٹاوندی پھاہے دِتی نیں داجیوں ساون دی پینگھ تے چاڑھی تھم بھرارنڈی ہو پرنیہِیوں شادی ویکھ نہ کاویکھ تماشہ حافظا اگلی گل سُنا
ناؤں لے مِرزے یار دا رووے نِیر پلٹسُن کے وین شمیر نوں دِل وِچ لگے پھٹپھاہے دِتی صاحباں گل وِچ پٹکا گھتجان گھمائی یار توں رہی نو اوس ہت
طوطیاں گولھاں کھتھیاں چنگھار پَوننیلے ویس وناس دے رُکھ تھراٹ کنبنکانگ جے آہا ست جُگی رو پُچھائی دھن
کانواں جنڈ تے بیٹھیا کتنی عمر گئیعرض نہ منّی رب وے ہو بیزار کہیبھین بھائی سبھ چھڈ گئے کِسے نہ سُدھ لئی
ست جُگ ہو گئے جیوندیاں اتنی گئی وہاخبرے کتنی رہ گئی معلم ہے خدامُول رہیں نہ سِکدی گل کائی فرماسر پر جا کے پہنچیا جیہڑی کرے خدا
آکھدی کانگا راولا توں ڈِٹھی بیتی ہوئیجِند وچولی یار دی قدماں وچ ڈھوئیبھانا ورتیا لیکھ دا ہونی سی جو ہوئیآکھیں دردی محرماں ٹورن گل کوئی
کاں جَنڈی توں اُڈیا ٹُریا ہو دلیراُچّیاں لے اُڈارِیاں اگے پینڈا ڈھیرجا پوہنتا وچ دھن کے گجھی کردا ہیرپُچھنا کیتا شاعر نوں پیلو کیہڑے ڈھیر
اُڈ کے وِچوں شہر دیوں پوہتا وچ جرانآکھے پیلو شاعر نوں صاحباں گھلیا سلامبعد سلاموں آکھدی ساڈا کریں بیانٹورِیں گل جہان تے گھتیائی رب دا نام
میں سبھ سُرگے چھوڑ کے بیٹھا کل مکانحافظ برخوردار نوں میرا دئیں سلامبعد سلاموں آکھنا پیلو دا فرمانصاحباں دا ای جوڑنا قصہ کریں بیان
لے سنیہوڑا اُڈیا پیلو سَندا کاںہیٹھ وناں دے آئے کے ٹھنڈی لگی چھاںاُبھڑ واہیا اُٹھیا پئی اے سٹ ودانپنچھی گھتے نی قاضیے حافظاکیہڑے تھاں
کردا گِریہ زارِیاں بُچے وچ گیاحافظ برخوردار دی مسجد لئی پُچھاوچ مَنارے بیٹھ کے دِتا سلام بُلاگھلّیا پیلو شاعر دا آیا تیرے دا
پِپِنیاں دِسدیاں بِھنیاں حالوں ہویائیں بےحالسچ سچ مینوں آکھ کیہ بن گئی تیرے نالکرساں حکم خدائیدے مستحب سوال
گھلیا پیلو شاعر دا آیا تیرے تیکنال سببّاں آئیکے ڈِٹھی آن مسیتاساں کیہ لگے پینچھیاں آدمی نال رفیقحافظا قصہ جوڑنا صاحباں دا تحقیق
گل بکی دے لگ پئی رووے مِرزے دی ماءنیلیے آئیوں سُکھنی ہتھوں لال کُہابنی ویلے نہیں پُکری لعنت تیرے بھاکون پھریسی کھرکھرے کون کھتیسی گھادیسی گھیو دِیاں نالیاں بہسی ٹنگ ولا
نیلی آہیں مارِیاں نبھڑے کر دی وَینملک الموت ونگاریا سُدھ نہ دِتی لینمرزا ماریا ویرِیاں سیالیں ہویا چینجان بچا کے حافظا آئی آں بدلہ لین
گل بکی دے لگ پئی رووے مرزے دی بھینپِٹ پِٹ کڈھدی میڈھیاں ڈُونگھے کردی وینمارو سبھ سیال نوں لُٹ کِھیوے دا مَین
گل بکی دے لگ ونجھل بھوئیں تے ماری پگرووو سرجیا گرجیا بانہہ گئی جے بھجکڈھسن ہُجّاں مار کے بہندے پاوے لگورتی نال پیغمبراں سانوں دیہاڑا اج
اُچّی ماڑی خان دی اُتے بولے کاںرن رووے دو چار دِن بھین رووے چھ مانہہجد لگ سانس کرنگ وچ تُد لگ روساں ماں
موراں سوگ وہانیاں کُونجاں وی کُرلانحُوراں بدھے سندلے پریاں دین مُکانبھنے بھٹھ مچھانیاں کِسے نہ پکا کھانمیرے روندِیاں ہرنیاں بک کھلے حیران
میں جو تینوں آکھدا راء رحموں ول جاکِتھے نی اوہ پیکڑے جمے بھین بھراویکھ تماشا حافظا اگلی گل سُنا
میں جے تینوں آکھدی رحموں ول نہ گھلمان ہے اوہنوں راج دا نہیئوں سُن دا گلچل مرزے دی لوتھ تے بہیے قبراں مل
دائرے جا کے کُوکی آ خان ونجھل دی نارتُوں رحموں الیاس دا داڑھی تے دستارویر وَڑھی تے وَنیاں لینے راٹھاں کارراٹھ بِھڑائے ٹکرِیں نہیں سو ہاری نار
ہتھوں پیالہ جھڑ پیا رحموں ماری ڈھاجو کوئی کھرل دے مونہے وچوں ڈیرے ڈُھکیو آءگھوڑیاں زن طلاق کرو سڈّھے لئو پِڑااسیں وَیر ویاہونا جیہڑی کرے خدا
عورت اگے جھانب دے اک روسُنائی باترہ کھاں دیسیں آپنی بنھ چڑھسائیں ہاٹھبدلہ مِرزے خان دا ہتھیں لَیسائیں آپ
دائرے دے وچ بیٹھ کے رحموں لِکھے خطچُن چُن کڈھدا گھبرُو دین مُچھاں نُوں وَٹہتھیں مہندی موت دی چڑھ پیؤ نیں جَٹ
خان منگائی ساوَلی منگواں دے وچ حُوراکھیں لہُو براتوے ساکا کرے ضرورویکھ عشق دے پاسنے سٹ پئی پنج تور
چڑھتل کیتی کھرل نیں سٹ پئی سندانگھوڑے کیتے زن طلاق سڈھے لئے پلانکھورُو کڈھے سڈھیاں دُھوڑ چڑھی اسمانتھم مسائے مس مساں اوٹھاں تے اٹھوان
کِتھے مرزا ماریا دس اساں نوں پابھیڑے آہنی طالع آئی ایں لعل گواءبنی ویلے نہیں پُکری لعنت تیرے بھاء
ست کوہ ڈیکوں ماریا ہو کے پَیلے داکدوں کھلوندی پرت کے قَسم نہ پاندا جااوہنوں سدّا توڑ دا میری فُرصت کیا
گل بکی دے لگ کے رووے پیا سردُوللکھ لکھ مَنتاں منیاں اِک نہ پئی قبولسیالاں مِرزا ماریا گھتیا بڑا نزوللے چل لوتھ تے حافظا ہوساں چکنا چُور
نہ رو توں سرجیا رونا کر لَے بسقلم ربانی موڑنی ہے نہیں میرے ہتھایسی قدرت رب دی ہر شَے رب دے وسجو بھاوے رب حافظا دے رکابے لت
آ چڑھ میری بیل تے سجی ٹنگ ولانمک کھادا ای کھرل دا سَر پر مرساں جارُوڑی کرے سیال نوں میری ایہا دعا
اوتھوں سرجا ٹُر پیا سیوں کے حضرت پیربَخشیں مائے میرئیے بتری دھاراں شِیراوکھی گھاٹی آن پوے یاد پوندے نی وِیرطاقت نہ رہی کُون دی اکھیں چل گئے نِیر
دائیاں مائیاں تھن بخشے جَن بخشے نی تاءبُوہے نہیں آندیاں ڈولیاں مَنوں نہیں لَتّھا چاءمُٹھیں وٹ کے بہہ گئی لے کے اُبھڑے ساہجا حوالے رب دے جیہڑی کرے خدا
باہر نکل کے دائروں رحموں کڈھے لیکسارے سوہنے کھرل میرے آدی مُڈھ شریکجیہناں جِند پیاری اے نہ کوئی پٹیائے لیکاساں وَیر ویاہونا جا سیالیں ٹھیک
سرجے آہیں مارِیاں روندا زارو زارلگا تیر کلیجیوں ہو گیا کنڈِیوں پاررب نہ بُھلائے جھانب خاں ایتھے گئے نی مار
ایتھے مرزا ماریا ہتھیں گئی کُہابھن بھن آندے جنڈ ون دِتی اگ دُھکھاگِلیں ککِھیں ساڑیا کول نہ ہاس بھراکلمہ پڑھو رسولﷺ دا کریو یاد خدا
کھرل پھتے نوں ہُجھیا دئیں تماکو پاراوی ہِلّیا گُنڈیا باریں ہتھ نہ پاراوی اُتوں چل کے کیتا ای بہت اَکامرزے خان نوں ڈوھنڈدا جائیں جان ونجا
مندا کیتوئی سرجیا بَلدی پایو ای تیلسڈھے آیائیں پِیڑ کے کر کے آپنا میلجاہ پچھانہہ نوں پَرت کے نہ کر ایڈ اُلیلتیرا میرا رب حافظا سِکدیاں کیتا میل
اوتھوں پھتا چلیا ہو کے بہت ناشادتِن سو کل اسوار دا لاہیا اوس لحاظاگے خان شمیر دے جا لائی فریادمنگوں مارے کھرل اسیں کِت لائیے فریاد
ہٹ پچھانہہ نوں چندھڑا دیہی ہتھ نہ لاچڑھ کے آگئے کھرل نی کُٹھا وِیر بھرانہ آئیوں جے پا فتح بھین میں توئیں بھرا
سرجے نیلی پھیری آ کھرلاں اگے جارنّاں نوں مانواں آکھ کے دیسیں بہسو جااساں وَیر ویاہونا جیہڑی کرے خدا
پُنی میری عمر ہی رہی لباں پر آسنبھل سنبھل کھیڈنا راکھا آپ خداہوش کریں وے سر جیا دوہاں پئی رووے ما
راء رحموں کَھلا ونگاردا نکلیں کِھیویا باہرگھلیا اساں ویاہ نوں جیہنوں گھتیا مارصاحباں ڈولے گھت دیو ڈُھکے آں پورے وار
نیلی چرے وچ بار دے ماہنیاں لئی پچھانقلماں وانگ کنوتیاں سُوہے سَبز پلانسُنباں لاٹاں چھڈیاں جیوں آہرن پین وداناج کوئی مِرزا مار دا آسن بہے جے خان
گُھرے دمامے عشق دے مارُو وجے ڈھولماہنی آئے ونگار توں بول کوَلّے بولآ ڈُھکیاں دے حافظا آن پریٹھے جھول
کھرلاں گِن گِن مُنڈِیاں لائے سِراں دے ڈھیررتوں کِھیوے لوک دے وگے ویہن چوپھیرگرداں اُڈِیاں ماہنیاں کھرلاں مارے گھیردیکھ تماشہ حافظا دِتا گھت ہنیر
گُھرے دمامے عشق دے مارُو سٹ پئیشہر کِھیوے دا لُٹیا دیہیں خبر گئیچننگ پئی بارود تے اُجڑ کھیڈ گئیکھرل چلے گھر آپنے پڑھ الحمد سہی
Point at or tap a word to see its meaning. With a keyboard, Tab reaches the words and the arrow keys move between them.
Editorial gloss, not yet reviewed.